ویب ڈیسک: ڈالر کی اونچی اڑان نے نفع کے بجائے لاکھوں کا نقصان کرا دیا۔ جعلسازوں نے شہری کو امریکی ڈالر کے نام پر پچاس لاکھ روپے کا چونا لگا دیا۔
اسٹیل ٹاؤن پولیس نے ڈیل کرانے والے دو ملزمان کو گرفتار کرلیا ہے جن سے پندرہ ہزار جعلی امریکی ڈالرز برآمد کیے گئے ہیں جبکہ ایک ملزمہ سمیت دو ملزمان ڈالرز کے بدلے پچاس لاکھ روپے لے کر فرار ہوگئے۔
متاثرہ شہری کا کہنا ہے کہ پچاس لاکھ روپے کے عوض تیس ہزار ڈالرز ملنے تھے۔ ملزمان نے پندرہ ہزار ڈالرز دیئے جو جعلی تھے۔ ملزمان پچاس ڈالرز کے جعلی نوٹوں کے پیکٹ تھماکر فرار ہوگئے۔ پولیس کے مطابق کار سوار ملزمہ سمیت دو ملزمان کی تلاش جاری ہے۔