شہزاد خان : پنجاب پولٹری ٹریڈرز نے پنجاب حکومت کیخلاف احتجاج شروع کردیا۔
پولٹری ٹریڈرز نے لاہور سمیت پنجاب بھر میں ماڈل بازاروں میں مرغی کی سپلائی روک دی جبکہ مرکزی صدر پنجاب پولٹری ٹریڈرز ایسوسی ایشن طارق جاوید کا کہنا ہے کہ ماڈل بازاروں میں پہلے ہی 25 روپے کم قیمت پر مرغی فروخت کررہے ہیں ۔سیکرٹری لایئو سٹاک مسعود انور قیمتیں مزید کم کرنے پر مجبور کررہے ہیں ،اتنا نقصان برداشت نہیں کرسکتے ۔
ان کا مزید یہ بھی کہنا تھا کہ پولٹری کی قیمتوں کا تعین ڈیمانڈ اینڈ سپلائی کی بنیاد پر کیا جاتا ہے ۔