سعید احمد: ریلوے کی جانب سے مسلسل کارروائیوں کے باوجود ٹرینوں میں بغیر ٹکٹ سفر کرنے والوں پر قابو نہ پایا جا سکا۔

 ذرائع کے مطابق بغیر ٹکٹ سفر کرنے کے رجحان میں اضافہ ہو رہا ہے جس کے باعث متعدد ٹرینیں خسارے کا شکار ہیں۔

خصوصاً قریبی شہروں کے درمیان چلنے والی ٹرینوں میں بغیر ٹکٹ مسافروں کی بھرمار دیکھنے میں آ رہی ہے۔

 رواں ماہ کے پہلے 15 روز کے دوران پاکستان ریلوے کے لاہور ڈویژن کی ٹیموں نے مجموعی طور پر 1829 بغیر ٹکٹ مسافروں کو پکڑاگیا۔

کارروائی کے دوران بغیر ٹکٹ مسافروں سے 24 لاکھ 84 ہزار روپے سے زائد رقم کرایہ اور جرمانے کی مد میں وصول کی گئی ،تاہم ریلوے کے شعبہ کمرشل اور ریلوے پولیس کی جانب سے جاری اقدامات تاحال مؤثر ثابت نہیں ہو سکے، جس کے باعث ادارے کو مالی نقصان کا سامنا ہے۔