(فاران یامین) سابق وزیر اعظم میاں محمد نواز شریف احتساب عدالت میں پیشی کے لیے لاہور سے اسلام آباد روانہ ہو گئے۔جاتی امرا کے باہر کارکنوں نے نواز شریف کو الوداع کیا۔
جاتی امرا سے اسلام آباد روانگی سے قبل لیگی ایم پی اے مرزا جاوید نے سابق وزیراعظم میاں محمد نواز شریف کی گاڑی پر گل پاشی کی۔ میاں محمد نواز شریف نے لیگی کارکنوں سے مصافحہ کیا اور ان کی محبت پر شکریہ بھی ادا کیا۔ کارکنوں اور لیگی ایم پی اے مرزا جاوید کی جانب سے یا اللہ یا رسول میاں نواز شریف بے قصور کے نعرے بھی لگائے گے۔ کارکنوں کے نعروں کا جواب نواز شریف نےہاتھ ہلا کر دیا۔