قیصر کھوکھر:لاہور: پنجاب حکومت نے سول سیکرٹریٹ میں جمعہ کی چھٹی ختم کرنے کا فیصلہ کر لیا ہے، جس کے بعد تمام دفاتر اب ہفتے میں پانچ روز، پیر سے جمعہ تک معمول کے مطابق کھلے رہیں گے۔
حکام کے مطابق نئے شیڈول کے تحت سرکاری امور کی رفتار کو بہتر بنانے اور دفتری کارکردگی میں تسلسل برقرار رکھنے کے لیے یہ فیصلہ کیا گیا ہے۔
پنجاب سول سیکرٹریٹ میں جمعہ کی چھٹی کے خاتمے کے بعد انتظامی امور اب ہفتے کے پانچ ورکنگ ڈیز میں بغیر کسی تعطل کے جاری رہیں گے۔
سرکاری ذرائع کا کہنا ہے کہ اس فیصلے سے فائل ورک، پالیسی سازی اور عوامی خدمات کی فراہمی کے عمل میں بہتری آئے گی اور مختلف محکموں کے درمیان رابطہ مزید مؤثر ہوگا۔