کوٹ ادو کے ٹک ٹاکر کے اغوا شدہ والد کو پولیس نے زندہ سلامت بازیاب کر لیا، چار اغوا کار پولیس مقابلہ میں پار ہو گئے۔
مظفر گڑھ کے قصبہ کوٹ ادو میں پولیس حکام نے جمعرات ور جمعہ کی درمیانی رات گئے بتایا کہ ٹک ٹاکر کے والد کے اغوا کے کیس کو حل کر لیا گیا ہے۔ مغوی شہری کو زندہ سلامت بچا لیا گیا ہے۔ ان کو اغوا کرنے والے ڈاکوؤں میں سے چار پولیس کے ساتھ انکاؤنٹر میں مارے گئے۔ ایک اغوا کار رات کی تاریکی کا فائدہ اٹھا کر فرار ہو گیا
کوٹ ادو کے علاقہ سے ایک شہری شہزاد جو ٹک ٹاکر ہیں، اور جس کا ٹک ٹاک مین نام ویہلا منڈا ہے، ان کے والد صادق حسین ملانہ کو اغوا کر لیا گیا تھا۔ آج رات پولیس نے ان کو بحفاظت بازیاب کرا لیا
شہزاد نے ڈی پی او مظفرگڑھ سے ملاقات کر کے اپنے والد کی بازیابی پر ڈی پی او اور پولیس ٹیم کا شکریہ ادا کیا۔