عابد چودھری: دھرمپورہ میں گاڑیاں ٹکرانے پر کارسوار آپس میں اُلجھ پڑے، خاتون کار سوار نے شہری پر تشدد اور بدکلامی کی، واقعے کی موبائل ویڈیو بھی سامنے آ گئی۔
گاڑیوں کے تصادم کے بعد کار سوار آپس میں الجھ پڑے،مشتعل خاتون شہری کو بار بار تھپڑ مارتی اور نازیبا زبان استعمال کرتی رہی، جبکہ موقع پر موجود ٹریفک پولیس اہلکار بیچ بچاؤ کی کوشش کرتا رہا،حادثے میں خاتون کی گاڑی کا بمپر ٹوٹ گیا تھا، جس پر وہ طیش میں آ گئی۔
سڑک پر ہونے والی لڑائی اور شور شرابے کے باعث ٹریفک کی روانی بھی متاثر ہوئی۔