عابد چودھری: لاہور پولیس کا الیکشن پر امن بنانے کیلئے اسلحہ ایکٹ کی خلاف ورزی کرنیوالوں کیخلاف کریک ڈاؤن، اسلحہ برآمدگی پر 754افراد کو گرفتار کرلیا گیا۔ 
ڈی آئی جی آپریشنز کی جانب سے مضافاتی علاقوں میں سرچ آپریشنز  کرنے، بغیر لائسنس اسلحہ کو ضبط کرنے کا حکم دیا گیا، سید علی ناصر رضوی کا کہنا ہے کہ اسلحہ دکانوں کی انسپکشن،بغیر لائسنس اسلحہ کی دکانوں کیخلاف کارروائی کی جائے، ڈالہ کلچر ،اسلحہ کی نمائش سے شہریوں میں خوف پھیلانے کی ہر گز اجازت نہیں دی جا سکتی۔ اسلحہ برآمدگی پر 754افراد کو حراست میں لیا گیا، ملزمان سے20کلاشنکوف،66رائفلز،24بندوقیں برآمد ہوئیں، اس کے علاوہ 602پسٹلز اور6ہزار676 گولیاں بھی برآمد کی گئیں۔ 
ڈی آئی جی آپریشنز کا کہنا ہے کہ شہری اسلحہ کی نمائش اور ہوائی فائرنگ کی اطلاع 15پر پولیس کو دیں، لاہور پولیس امن وامن کے قیام کیلئے ہرممکن وسائل بروئے کار لا رہی ہے۔