اشرف خان : انٹر بینک میں ڈالر سستا ہوگیا۔ 

اسٹیٹ بینک کے مطابق انٹر بینک میں امریکی ڈالر 1 روپے 2  پیسے سستا ہوگیا۔ ڈالر 294  روپے سے بھی نیچے آگیا ۔ اسٹیٹ بینک کا کہنا ہے کہ انٹر بینک میں ڈالر 294.90  روپے سے گر 293.88 روپے  پر بند ہوا۔

واضح رہے کہ انٹر بینک میں ڈالر 307.10 روپے کی بلند سطح سے اب تک 13.22 روپے سستا ہوچکا ہے۔ 

ماہرین کا کہنا ہے کہ ڈالر کی قدر میں کمی سے درآمدی لاگت میں کمی ہوگی۔ ڈالر سستا ہونے سے مہنگائی کی بڑھتی رفتار کم ہوجائے گی۔