سٹی 42 : ایف آئی اے ملتان زون نے چھاپہ مار کارروائیوں میں انسانی سمگلنگ میں ملوث 2 ایجنٹ گرفتار کرلیے ۔ 

ترجمان ایف آئی اے  کے مطابق گرفتار ایجنٹوں کی شناخت محمد اعظم اور شہزاد نذیر کے نام سے ہوئی، جنہیں چھاپہ مار کاروائیوں میں ملتان اور چیچہ وطنی سے گرفتار کیا گیا۔ ملزم محمد اعظم نے شہری کو عراق کا ایمپلائمنٹ ویزہ فراہم کرنے کے عوض 8 لاکھ 61 ہزار روپے ہتھیائے، جبکہ ملزم شہزاد نذیر نے شہری کو پولینڈ ملازمت کا جھانسہ دے کر 40 لاکھ روپے ہتھیائے ۔ 

دونوں ملزم شہریوں کو بیرون ملک بھجوانے میں ناکام رہے، بھاری رقوم وصول کرنے کے بعد دونوں ملزم روپوش ہو گئے، جنہیں گرفتار کر کے تفتیش کا آغاز کر دیا گیا۔