سٹی42: سرکاری ملازمین کی نمائندہ تنظیم گرینڈ الائنس کے زیر اہتمام سول سیکرٹریٹ لاہور کے باہر دھرنا جاری، مظاہرین نے مطالبات کی منظوری تک احتجاج جاری رکھنے کا اعلان کیا ہے۔
گرینڈ الائنس کے رہنماؤں کا کہنا ہے کہ حکومت فوری طور پر لیو اینکیشمنٹ کی بحالی اور پنشن میں کٹوتیوں کا خاتمہ کرے۔ مظاہرین نے کنٹریکٹ ملازمین کو ریگولر کرنے اور دورانِ سروس وفات پانے والے ملازمین کے بچوں کو سرکاری ملازمت دینے کا بھی مطالبہ کیا۔
احتجاج میں شریک ملازمین نے مہنگائی کے تناسب سے تنخواہوں میں اضافے کا مطالبہ کرتے ہوئے کہا کہ موجودہ حالات میں سرکاری ملازمین شدید مالی مشکلات کا شکار ہیں۔