سٹی 42 : صومالیہ کے وزیر خارجہ نے پاکستان میں سیلاب کے باعث قیمتی جانوں کے ضیاع پر افسوس کا اظہار کیا ہے۔
ترجمان دفتر خارجہ کے مطابق صومالیہ کے وزیر خارجہ نے نائب وزیراعظم اسحاق ڈار سے ٹیلیفونک رابطہ کیا۔ انہوں نے حالیہ سیلاب میں جانی نقصان پر افسوس کا اظہار کیا۔
ترجمان دفتر خارجہ کے جاری بیان میں کہا گیا کہ نائب وزیراعظم اسحاق ڈار نے صومالی ہم منصب کا اظہارِ یکجہتی پر شکریہ ادا کیا۔ اسحاق ڈار نے صومالی بھائیوں اور بہنوں کی حمایت کو بھی سراہا۔