سعید احمد:پی آئی اے نے لاہور سے مانچسٹر کے درمیان فلائٹ آپریشن کے آغاز کا اعلان کر دیا ہے۔

ترجمان کے مطابق لاہور سے مانچسٹر کیلئے ہفتہ وار ایک پرواز آپریٹ کرنے کا فیصلہ کیا گیا ہے، جبکہ پہلی پرواز 3 جولائی کو روانہ کی جائے گی۔

نئے روٹ پر اکانومی کلاس کا کرایہ 3 لاکھ سے 4 لاکھ روپے کے درمیان ہوگا، جبکہ اکانومی پلس کا کرایہ 5 لاکھ سے ساڑھے 6 لاکھ روپے تک مقرر کیا گیا ہے۔

پی آئی اے اس روٹ پر بوئنگ 777 طیارہ استعمال کرے گی، جس کا مقصد بین الاقوامی سفر کے لیے بہتر سہولیات فراہم کرنا ہے۔