(زین مدنی )صدارتی ایوارڈ یافتہ معروف اداکارہ مہوش حیات نے کہا ہے کہ شوبز انڈسٹری میں اداکاراوراداکارہ دونوں کوایک جیسا معاوضہ ملنا چاہیئے۔
مہوش حیات نے بی بی سی ورلڈ کو دئیے جانے والے انٹرویو کی کچھ جھلکیاں اپنے ٹوئٹر اکاؤ نٹ پر شیئر کی ہیں جن میں وہ فلم انڈسٹری، فلموں میں اداکیے جانے والے کردار اور معاشرتی مسائل پر بات کرتی ہوئی نظر آرہی ہیں۔ مہوش حیات کہہ رہی ہیں کہ انہوں نے فلموں میں اس طرح کے کردارادا کیے جو معاشرے میں رائج دقیانوسی روایات کے خلاف تھے۔
انہوں نے کہا کہ فلم انڈسٹری میں اداکاراوراداکارہ دونوں کو ایک جیسا معاوضہ ملنا چاہیئے تاکہ دونوں کو ایک جیسی عزت ملے۔ مہوش حیات نے سوشل میڈیا کے بارے میں بات کرتے ہوئے کہا کہ اگر سوشل میڈیا کو صحیح طریقے سے استعمال کیا جائے تو یہ بہت ہی مددگار ثابت ہوسکتا ہے، آخر میں انہوں نے کہا خود پر یقین رکھیں۔
Excited that my interview for @BBCWorld will be out soon. Great concept created by Angelia Jolie for the first TV show she is producing. Thank you Jamie Angus @grvlx001 for your vision in highlighting so many important issues that young people face today. #Angelinajolie #Myworld pic.twitter.com/COxFmXrctA
— Mehwish Hayat TI (@MehwishHayat) March 13, 2020
واضح رہے کہ ہالی ووڈ اداکارہ انجلینا جولی بی بی سی ورلڈکے اس شو بی بی سی مائے ورلڈ کی ایگزیکٹیو پروڈیوسرہیں۔ مہوش حیات نےٹوئٹر پیغام میں بتایا کہ یہ شو انجلینا جولی کا بطور پروڈیوسر پہلا شو ہے۔ اس کے علاوہ انہوں نے شو کے مرکزی خیال کی بھی تعریف کی اور کہا کہ یہ شو جلد ہی نشر کیا جائے گا۔