علی ساہی :صوبہ بھر میں پولیس کے انسداد منشیات آپریشنز جاری ہیں،منشیات میں ملوث 32 ہزار 275 ملزمان کو گرفتار  کر لیا گیا۔

 ترجمان پولیس کے مطابق رواں سال صوبہ بھر میں 57 ہزار 974 چھاپے مارے گئے،ملزمان سے 18 ہزار 898 کلو چرس، 1638 کلو ہیروئن ، 981 کلو آئس برآمد،2296 کلو افیون، 4 لاکھ 64 ہزار 641 لیٹر شراب بھی برآمد کی گئی۔

  ترجمان پنجاب پولیس  کے مطابق صوبائی دارلحکومت میں 6 ہزار 596 منشیات فروش کوگرفتار کر لیا گیا،لاہور میں منشیات فروشوں سے 3393 کلو چرس، 298 کلوہیروئن، 528 کلوآئس برآمد،253 کلوافیون، 40 ہزار 556 لیٹر شراب بھی برآمد کی گئی ۔

آئی جی پنجاب نے منشیات ڈیلرز و سمگلرز کیخلاف سپیشل آپریشنز میں مزید تیزی کا حکم دے دیا۔