واٹس ایپ کا صارفین کیلئے زبردست فیچر متعارف کرانے کا فیصلہ

واٹس ایپ کا صارفین کیلئے زبردست فیچر متعارف کرانے کا فیصلہ
WhatsApp New Feature

ویب ڈیسک: وقت گزرنے کے ساتھ ساتھ واٹس ایپ ٹیکنالوجی میں جدت آتی جا رہی ہے اور اب واٹس ایپ نے صارفین کے لیے ایک نئی سہولت کا اضافہ کردیا ہے۔

واٹس ایپ نے سماعت سے محروم افراد کے لیے "وائس میسیجز" کو پڑھنے کا فیچر متعارف کرانے کا فیصلہ کیا ہے، اس فیچر کے تحت آڈیو پیغامات کو سننے کے ساتھ ساتھ پڑھا بھی جاسکے گا۔

غیرملکی میڈیا رپورٹس کے مطابق واٹس ایپ وائس میسجز کا نیا ٹرانسکرپشن فیچر آئی او ایس پر آزمائش کے مراحل میں ہے، لیکن وقت کے ساتھ ساتھ اس فیچر سے آئی او ایس سمیت اینڈرائیڈ صارفین بھی فائدہ اٹھا سکیں گے۔

کمپنی انتظامیہ کا کہنا ہے یہ ایک آپشنل فیچر ہوگا اور اسے پڑھنے کے لیے صارف کی خصوصی اجازت درکار ہوگی، اجازت ملنے کے بعد صارف پیغام کو پڑھ سکیں گے۔