(وقاص احمد)موچی گیٹ پولیس نے کارروائی کرتےہوئے بھاری مقدار میں آتش بازی کا سامان برآمد کرکے دو ملزمان گرفتار کر لئے۔

ایس پی سٹی صفدر رضا نے میڈیا سے گفتگو کرتے بتایا کہ موچی گیٹ پولیس نے ملزمان زوہیب اور وسیم کو گرفتارکرکے ان کے قبضہ سے 2 ہزار انار، 500 میزائل، 25 سو ماچس بم، 2 ہزار کیک شوٹ، 8 سٹین گن اور دیگر سامان برآمد کرلیا۔ ملزمان چائنہ سے سامان برآمد کرتے اور شہرلاہور میں سپلائی کرتے تھے۔ ملزمان کی نشاندہی پر گودام پر چھاپہ مار کر سامان برآمد کیا گیا۔ اس موقع پر ڈی ایس پی گوالمنڈی افتخاراعوان، ایس ایچ او ریحان ضیا سمیت دیگر پولیس افسران موجود تھے۔