وقاص احمد:لاہور کے علاقے سی سی ڈی کینٹ میں مبینہ پولیس مقابلے کے دوران ایک ڈاکو ہلاک ہو گیا۔
پولیس کے مطابق ہلاک ہونے والے ملزم کی شناخت گلفام کے نام سے ہوئی ہے، جو اپنے ساتھی کے ساتھ موٹرسائیکل پر جا رہا تھا۔
پولیس ٹیم نے ملزمان کو رکنے کا اشارہ کیا، تاہم انہوں نے فائرنگ شروع کر دی، جوابی کارروائی میں ایک ملزم ہلاک ہو گیا جبکہ دوسرا فرار ہونے میں کامیاب ہو گیا۔
باٹا پور پولیس نے لاش کو مردہ خانے منتقل کر کے مزید کارروائی شروع کر دی ہے۔