احمد منصور: پاکستانی شہریوں پر بھارتی فوج کی بلااشتعال جارحیت، آئی ایس پی آر کے مطابق 6 اور 7 مئی کی رات بھارتی حملوں میں 40 شہری شہید ہوئے۔

 پاک فوج کے شعبہ تعلقات عامہ (آئی ایس پی آر) کی جانب سے بتایا گیا کہ شہدامیں 7 خواتین اور 15 بچے شامل ہیں جبکہ 121 افراد زخمی ہوئے، زخمیوں میں 10 خواتین اور 27 بچے شامل ہیں۔
بھارتی حملے میں 11 پاکستانی فوجی جوان مادرِ وطن پر قربان ہوئے،پاک فوج کے 6 اور پاک فضائیہ کے 5 جوان شہید ہوئے، بھارتی جارحیت میں 78 سکیورٹی اہلکار زخمی ہوئے۔

پاکستان کی جانب سے بھرپور جوابی کارروائی کی گئی، آپریشن "بنیانِ مرصوص" کے تحت اہداف پر حملے کئے گئے، معرکہ حق میں دشمن کو بھرپور جواب دیا گیا۔

آئی ایس پی آر کی جانب سے دشمن کو دو وٹوک پیغام دیا گیا کہ پاکستان کی سالمیت پر حملہ ناقابلِ برداشت ہے، آئندہ ایسی کوئی مہم جوئی کی گئی تو فیصلہ کن جواب دیا جائے گا۔

پاکستان زندہ باد ، افواجِ پاکستان پائندہ باد!