ویب ڈیسک: ڈاکٹر میوزک ، جس کے سر مریضوں کو بسترمرگ سے بھی واپس کھینچ لاتے ہیں، لبنان میں ایک سرجن ڈاکٹر میوزک نے دھوم مچا دی۔
ڈاکٹر بیماری سے متاثرہ افراد کو میڈیسن کے ساتھ ساتھ موسیقی بھی سنانے لگا۔ رپورٹ کے مطابق ایک نجی چینل پر وائرل ویڈیو میں ایک لبنانی ڈاکٹر اپنی مریضہ کو مشرق وسطی کا روایتی ساز''کنون'' بجا کر سنا رہا ہے۔ سرجن نے جب آپریشن مکمل کیا تو بستر پر لیٹی مریضہ نے اپنی خواہش ظاہر کی جسے ڈاکٹر ٹھکرا نہ سکا۔
مریضہ کا کہنا تھا کہ اس کا آپریشن خطرناک تھا اور بچنے کے امکانات کم ہیں اس کی آخری خواہش ہے کہ کوئی اسے ''کنون'' بجا کر سنائے، جس پر ڈاکٹر نے اپنی گاڑی میں پڑا موسیقی کا آلہ آپریشن تھیٹر میں لے آیا اور اپنی مریضہ کو روایتی گیت سنایا۔
Doctor Music | Lebanese surgeon plays music after operation pic.twitter.com/7lESYI2X9l
— RT (@RT_com) October 12, 2021
رپورٹ کے مطابق مریضہ اب بخریت ہے تاہم ڈاکٹر کو ویڈیو وائرل ہونے کےبعد بہت شہرت ملی اور اب اسے شہر کے لوگ '' ڈاکٹر میوزک '' کے نام سے پکارنا شروع ہوگئے ہیں۔
یادرہے '' کنون '' مشرق وسطی اور افریقہ میں معروف لوک موسیقی کا ساز ہے اور عوام میں بے انتہا مقبول ہے۔