(ویب ڈیسک) گلوکار شہزاد رائےنے سوشل میڈیا پر حال ہی میں ایک قلفی والے کی ویڈیو شیئر کی جس کے بعد پاکستانی سوشل میڈیا صارفین نے قلفی بیچنے والے شخص کو امریکا کے سابق صدر ڈونلڈ ٹرمپ سے تشبیہ دے دی۔
گلوکار شہزاد رائے کی جانب سے سوشل میڈیا پلیٹ فارم انسٹاگرام پر حال ہی میں ایک قلفی والے کی ویڈیو شیئر کی گئی جو کچھ ہی دیر میں وائرل ہو گئی اور پاکستانی سوشل میڈیا نے اس قلفی والے کو امریکا کے سابق صدر ڈونلڈ ٹرمپ سے تشبیہ دے دی۔ اس مختصر سی ویڈیو میں ایک ادھیڑ عمر شخص کو خوبصورت آواز میں اپنی کھوئے والی قلفی کی تعریفیں کرتے دیکھا جاسکتا ہے۔
View this post on Instagram
اس ویڈیو میں دیکھا جا سکتا ہے کہ قلفی والا گنگناکر قلفی بیچنے کی کوشش کررہا ہے اور قلفی والے کی اسی کوشش اور آواز کے شہزاد رائے مداح ہوگئے۔ شہزاد رائے نے ویڈیوپوسٹ کے کیپشن میں قلفی والے کی تعریف کرتے ہوئے لکھا ، واہ قلفی والے بھائی کیا بات ہے کھائے بغیر مزا آگیا۔
گلوکار شہزاد رائے کی شیئر کی گئی ویڈیوسوشل میڈیا وائرل ہوگئی جسے مداحوں کی بڑی تعداد نہ صرف دیکھ رہی ہے بلکہ اسے سوشل میڈیا کے مختلف پلیٹ فارمز پر شیئر بھی کیا جارہا ہے۔ ایک صارف نے لکھا ڈونلڈ ٹرمپ پاکستان آگئے ہیں، ایک اور صارف نے لکھا کہ عمران خان کے اقتدار میں انگریز پاکستان میں قلفی بیچنے پر مجبور ہو گئے ہیں۔ ایک اور صارف نے کہا کہ ڈونلڈ ٹرمپ ریٹائرمنٹ کے بعد قلفی بیچتے ہوئے۔