ویب ڈیسک: پاکستانیوں کے لئے خوشخبری، اب امریکا کے ویزے کے لئے انٹرویو کی ضرورت نہیں۔
امریکی سفارتخانے کی جانب سے جاری کردہ بیان میں کہا گیا ہے کہ 60 سال اور اس سے زیادہ عمر کے پاکستانی شہریوں کو بی ون اور بی ٹوویزہ کے لئے انٹرویو سے مستثنا قراردے دیا گیاہے۔ اب انہیں ویزے کے حصول کے لئے انٹرویو نہیں دینا ہوگا اسی طرح جن معمر پاکستانیوں کے بی ون یا بی ٹو ویزہ کی مدت گذرچکی ہے انہیں اپنے ویزہ کے تجدید کے لئے بھی انٹرویو دینے کی ضرورت نہیں۔ تاہم 60 سال یا 60 سال سے زیادہ عمر کے ان پاکستانیوں جنہیں پہلی دفعہ امریکا کا نان امیگرنٹ ویزا درکار ہے وہ انٹرویو سے مستثنا نہیں ہوں گے۔
@usembislamabad & @usconsulatekhi have expanded their interview waiver program & now Pakistani citizens of ages 60 & older whose B1/ B2 visas are valid or have expired within the last 48 months may be exempt from the nonimmigrant visa interview requirement. https://t.co/g9R9o6ciu3 pic.twitter.com/uBaJRmgw3Z
— U.S. Embassy Islamabad (@usembislamabad) February 8, 2022
قبل ازیں سعودی عرب میں امریکی سفارتخانے کے ترجمان مائیکل گارسیا کا کہنا تھا کہ ’ سعودی عرب میں بھی ویزا انٹرویو سے استثنی کا پروگرام متعارف کرایا گیا ہے جو سعودی شہری سیاحتی ویزے ( B1- B2) کی تجدید کے خواہشمند ہیں اور اس کا ویزا ختم ہوئے بارہ ماہ نہ گزرے ہوں، انہیں انٹرویو کے لیے سفارتخانے یا قونصل خانہ آنے کی کوئی ضرورت نہیں‘۔