عمران یونس: پنجاب فوڈ اتھارٹی نے3 لاکھ 73 ہزار58 پیکٹ گٹکا بھٹی میں جلا کرتلف کردیا، ڈی جی فوڈ اتھارٹی کی سربراہی میں کارروائی کی گئی۔

       پیمکو بھٹی میں جلایا جانے والا بین شدہ مضرصحت گٹکا مختلف شہروں سےبرآمد کرکے لاہورلایا گیا تھا، ڈی جی فوڈ اتھارٹی کے مطابق لاہور سے 10ہزار954 ساشے گٹکا قبضے میں لیا گیا، ڈی جی عرفان میمن کا کہنا تھا کہ پکڑے گئے گٹکا کو پیپکو بھٹی میں جلا کر تلف کیا گیا۔

گٹکا ایک خاموش زہر قاتل ہے، جو کہ کینسر سمیت متعدد موذی امراض کا باعث بنتا ہے، پنجاب بھرکوگٹکا فری زون بنانے کے لیے کسی بھی فوڈ پوائنٹ سے گٹکا برآمد ہونے پر اس کو سیل کر دیا جاتا ہے۔ گٹکا کے کاروبار میں ملوث افراد صحت دشمن کاروبار ترک کردیں۔