وسیم احمد: پاکستان کے لیجنڈری بیٹسمین حنیف محمد کی برسی کے موقع پر چیئرمین پاکستان کرکٹ بورڈ محسن نقوی نے ان کی کرکٹ کے لیے شاندار خدمات کو خراجِ عقیدت پیش کیا۔
محسن نقوی نے کہا کہ حنیف محمد عظیم بیٹسمین ہونے کے ساتھ ایک اعلیٰ شخصیت کے مالک بھی تھے۔ ان کی ٹرپل سنچری کا ریکارڈ آج بھی شائقین کرکٹ نہیں بھولے اور نہ بھول سکے گی ، حنیف محمد کی عمدہ بلے بازی کا ہر کوئی مداح تھااور کرکٹ آج بھی اس عظیم کھلاڑی کو یاد رکھے گی۔
چیئرمین پی سی بی نے مزید کہا کہ حنیف محمد نے کرکٹ میں پاکستان کا نام روشن کیا، ایسے بلے باز ایک طویل عرصے کے بعد پیدا ہوتے ہیں۔ پاکستان کرکٹ بورڈ اپنے ہیروز کی خدمات کا برملا اعتراف کرتا ہے اور حنیف محمد کی بے مثال خدمات کو ہمیشہ یاد رکھا جائے گا۔