عابد چودھری:کاہنہ کے علاقے سے اغوا ہونے والے بچے کی لاش جوہڑ سے برآمد ہوگئی۔ پولیس کے مطابق مقتول بچے کی شناخت حسنین کے نام سے ہوئی ہے۔
پولیس کے مطابق گزشتہ روز بچے کے اغوا کا مقدمہ تھانہ کاہنہ میں درج کیا گیا تھا۔ لاش برآمد ہونے کے بعد پولیس اور فرانزک ٹیموں نے موقع پر پہنچ کر شواہد اکٹھے کر لیے اور واقعے کی تحقیقات شروع کر دیں۔
پولیس نے ضروری قانونی کارروائی کے بعد بچے کی لاش مردہ خانے منتقل کر دی ہے۔ واقعے کے مختلف پہلوؤں سے تحقیقات جاری ہیں۔