سٹی42: پاکستان کے نگراں وزیراعظم انوار الحق کاکڑ اور سابق وزیراعظم شہباز شریف نے بھی مشرق وسطیٰ کی صورتحال پر تشویش کا اظہار کیا ہے اور کہا ہے کہ فلسطینیوں کی آزاد ریاست کا قیام مشرق وسطیٰ میں پائیدار امن کیلئے ناگزیر ہے۔
اسرائیل پر حماس کے حملوں اور اسرائیل کے جواباً غزہ پر فضائی حملوں کے ردعمل میں پہلے پاکستان کے دفترِ خارجہ نے بیان دیا اور مشرقِ وسطیٰ میں دیرپا امن کیلئے 1967 کی جنگ سے پہلے کے فلسطینی علاقوں پر مشتمل آزاد فلسطینی ریاست کے قیام کو ناگزیر قرار دیا۔ اس کے بعد نگراں وزیراعظم انوار الحق کاکڑ نے کہا کہ وہ مشرق وسطیٰ میں بڑھتے ہوئے تشدد سے دل شکستہ ہیں، حالیہ واقعات مسئلہ فلسطین کو حل کرنے کی فوری ضرورت پر زور دیتےہیں۔
انہوں نے کہا کہ مشرق وسطیٰ میں پائیدار امن دو ریاستی حل میں موجود ہے، 1967 سے پہلے والے بارڈرز کے تحت قابل عمل، خودمختار ریاست فلسطین ہونی چاہیے، فلسطین کی ایسی ریاست ہو جس کا دل القدس الشریف ہو۔
Heartbroken by the escalating violence in the Middle East, which underscores the urgent need to address the Palestine Question. We urge restraint and protection of civilians. Enduring peace in the Middle East lies in a two state solution with a viable, contiguous, sovereign State…
— Anwaar ul Haq Kakar (@anwaar_kakar) October 7, 2023
سابق وزیراعظم اور مسلم لیگ ن کے صدر شہباز شریف نے اسرائیل اوور فلسطینیوں کی حالیہ جنگ کے تناظر میں زیادہ سخت بیان دیتے ہوئے کہا کہ اسرائیل کے غیر قانونی قبضے کا خاتمہ، فلسطینی سرزمین پر آباد کاری کی توسیع، اور معصوم فلسطینیوں کے خلاف ظلم خطے میں امن، انصاف اور خوشحالی کی کلید ہیں۔
شہباز شریف نے سوشل پلیٹ فارم ایکس پر اپنی پوسٹ میں لکھا، "میں آج کے واقعات سے حیران نہیں ہوں۔ جب اسرائیل فلسطینیوں کو ان کے حق خودارادیت اور ریاست کے جائز حق سے محروم کر رہا ہے تو اس کے علاوہ اور کیا توقع کی جا سکتی ہے؟ روزانہ اشتعال انگیزیوں، قابض افواج اور آباد کاروں کے حملوں اور مسجد اقصیٰ اور عیسائیت اور اسلام کے دیگر مقدس مقامات پر چھاپوں کے بعد اور کیا ہے؟"
شہباز شریف نے مزید لکھا،"دنیا کو یہ تسلیم کرنا چاہیے کہ فلسطینی سرزمین پر قبضے کو ختم کرنا، مشرقی یروشلم کے ساتھ فلسطینی ریاست کو اس کا دارالحکومت تسلیم کرنا، اور فلسطینیوں کے آزادی اور خودمختاری کے حق کو برقرار رکھناپائیدار امن کی ضرورت ہیں۔"
Ending Israel's illegal occupation, settlement expansion on Palestinian land, and oppression against innocent Palestinians are key for peace, justice, and prosperity in the region. I am not surprised by today's events. What else can one expect when Israel continues to deny…
— Shehbaz Sharif (@CMShehbaz) October 7, 2023