ویب ڈیسک :معروف اداکارہ نمرہ خان کی حالیہ سوشل میڈیا پوسٹس کے بعد ان کی دوسری شادی کی ناکامی کے حوالے سے افواہیں زورپکڑگئیں۔
رپورٹس کےمطابق نمرہ خان اور زین حامد کےدرمیان طلاق کی افواہیں زیرگردش ہیں،تاہم دونوں جانب سے کسی نے بھی اس حوالے سے تفصیلات شیئر نہیں کیں۔
طلاق کی افواہوں کے بعد نمرہ خان نےسوشل میڈیا پر ایسی مبہم پوسٹس شیئرکیں جن میں مضبوطی سے کھڑے رہنے،اپنی حدود مقرر کرنے اورخاموشی کو کمزوری نہ سمجھنے کا پیغام دیا گیا،ان پوسٹس کے بعد دونوں کے درمیان علیحدگی کی افواہوں نے زور پکڑ لیا ۔
دوسری جانب زین حامد کی جانب سےبھی سوشل میڈیا پر "At Peace Finally, Good Riddance" کے الفاظ پر مشتمل پوسٹ شیئر کی گئی، دونوں نے ایک دوسرے کو انسٹاگرام پر فالو بھی نہیں کر رکھا۔