وقاص احمد:لاہور کے تھانہ مزنگ پولیس نے کارروائی کرتے ہوئے جان لیوا کرتب اور ون ویلنگ کرنے والے 3 ملزمان کو گرفتار کر لیا۔

پولیس کے مطابق دورانِ پٹرولنگ جنازہ گاہ روڈ سے ملزمان کو گرفتار کیا گیا۔ گرفتار ملزمان مرکزی شاہراہوں پر ہلڑبازی اور ون ویلنگ کرتے تھے۔

پولیس کا کہنا ہے کہ ملزمان دوستوں کے ہمراہ ون ویلنگ کی ویڈیوز بناتے اور انہیں سوشل میڈیا پر وائرل کرتے تھے۔

گرفتار ملزمان کی شناخت ابیل، عمر اور برکت کے نام سے ہوئی ہے۔ ملزمان کے خلاف مقدمہ درج کر کے انہیں مزید تفتیش کے لیے انویسٹی گیشن ونگ کے حوالے کر دیا گیا۔