(ویب ڈیسک) 17 سالہ امریکی شہری نے د نیا کی لمبی ترین ٹانگیں رکھنے کا اعزاز اپنے نام کر لیا،خاتون کا نام میسی کیورین ہے جو امریکہ کی ریاست ٹیکساس میں رہائش پزیر ہیں ۔
میسی نے اپنی زندگی کا زیادہ تر حصہ امریکہ میں ہی گزارہ لیکن مستقبل میں تعلیمی غرض سے برطانیہ جانے کا ارادہ رکھتی ہیں ۔میسی کو فیس بک کے ما تحت چلنے والی فوٹو شیئرنگ ایپ انسٹاگرام پر ایک سٹٓار سی حثیت حاصل ہے جہاں حال ہی میں میسی نے ایک تصویر شئیر کی جس کو مداحوں کی جانب سے بے حد پسند کیا گیا ۔
انسٹاگرام پر مقبولیت کی خاص وجہ میسی کی 53 انچ لمبی ٹانگیں ہیں جس کی وجہ سے انھوں نے گنیز بُک آف ورلڈ ریکارڈ میں جگہ بھی بنالی ہے کیونکہ سابقہ ریکارڈ روس کی ایکاٹیرنیا لیسینا کے پاس تھا جن کی ٹانگوں کی لمبائی52 اعشاریہ 2 انچ تھی۔لہذا میسی کیورین اب دنیا کی سب سے لمبی ترین ٹانگیں رکھنے والی خاتون بن چکی ہیں۔
That's pin-credible! Maci Currin, 17, who stands tall at 6ft 10in has the longest legs in the world
— Hans Solo (@thandojo) October 6, 2020
The teen from #Austin,#Texas, is 6ft 10in tall and has big aspirations to be a model
She has urged others with unique physical attributes: ‘Don’t hide it, embrace it’ pic.twitter.com/VzK6UOylEO
میسی کیورین کے جسم میں سب سے حیرت کن بات ان کی لمبی ٹاگیں ہیں جو ان کے قد سے ایک میٹر لمبی ہیں جس پر ان کا کہنا ہے کہ گاڑی میں بیٹھنے میں تکلیف محسوس کرتی ہوں، گھر کے دروازے سے بعض اوقات ٹکرا جاتی ہوں اور ملبوسات خریدتے وقت کافی مشکلات کا سامنہ کرنا پڑتا ہے ۔ لوگ حیرانی سے دیکھتے ہیں تو شرم محسوس کرتی تھی لیکن آب مجھے اندازہ ہو چکا ہے کہ میں باقی لوگوں سے تھوڑی سی مختلف ہوں جسکی وجہ سے لوگ تجسس کی نگاہ سے دیکھتے ہیں۔
میسی کیورین نے اپنے انسٹاگرام اکاونٹ پر صرف 5 تصاویرشیٔرکی ہیں جن کی بدولت وہ 41 ہزار سے زائد فالوورز سمیٹنے میں کامیاب ہوچکی ہیں جس پر میسی کیورین کا مزید کہنا تھا کہ وہ مستقبل میں دنیا کی لمبی ترین ماڈل ہونے کا ریکارڈ بھی اپنے نام کرنے میں دلچسپی رکھتی ہیں۔