اسرار خان: شہر لاہور میں ٹریفک حادثات کا سلسلہ بدستور جاری ،گزشتہ 24 گھنٹوں کے دوران شہر کے مختلف علاقوں میں 226 ٹریفک حادثات رپورٹ ہوئے جس کے باعث 247 افراد زخمی ہوئے۔
ریسکیو 1122 کی جانب سے جاری کردہ اعداد و شمار کے مطابق گزشتہ 24 گھنٹوں کے دوران شہر لاہور کے مختلف علاقوں میں 226 ٹریفک حادثات رپورٹ ہوئے ہیں۔ ان حادثات کی زد میں آکر مجموعی طور پر 247 افراد زخمی ہوئے ، 82 شدید زخمیوں کو فوری طبی امداد کیلئے مقامی ہسپتالوں میں منتقل کیا گیا جبکہ 165 معمولی زخمیوں کو موقع پر فرسٹ ایڈ فراہم کی گئی ۔
ریسکیو حکام کا کہنا ہے کہ ٹریفک حادثات تیز رفتاری کا مظاہرہ کرنے اور ٹریفک قوانین کی خلاف ورزی کے باعث پیش آئے ہیں۔