سٹی 42: سبی میں جیکب آباد سے کوئٹہ جانے والی مسافر ویگن ڈمبولی کے مقام پر رکشے سے ٹکرانے کے بعد تیز رفتاری کے باعث الٹ گئی، جس کے نتیجے میں 5 افراد شدید زخمی ہو گئے۔

حادثے کی اطلاع ملتے ہی ایدھی ایمبولینس سروس اور ریسکیو 1122 کی ٹیمیں موقع پر پہنچ گئیں اور امدادی کارروائیاں شروع کر دیں۔ زخمیوں کو ابتدائی طبی امداد کے بعد ٹیچنگ ہسپتال منتقل کیا جا رہا ہے، جبکہ واقعے کی مزید تحقیقات جاری ہیں۔