ویب ڈیسک : یوم استحصال کشمیر کے موقع پر صدرمملکت ڈاکٹر عارف علوی کا خصوصی پیغام :بھارت نے5اگست2019کو مقبوضہ کشمیر میں ایک بار پھر یکطرفہ کارروائی کی جوجینوا کنونشن اور عالمی قوانین کی خلاف ورزی ہے۔
یوم استحصال کشمیر کے موقع پر صدرمملکت ڈاکٹر عارف علوی کے جاری کردہ پیغام کہا گیا ہے کہ بھارت نے کارروائیوں سے کشمیرمیں آبادی کا تناسب بدلنے کی کوشش کی۔ بھارتی مودی حکومت اقدامات جینوا کنونشن اور عالمی قوانین کی سنگین خلاف ورزی ہے، بھارتی کارروائیوں کا مقصد کشمیریوں کو حق خودارادیت سے محروم کرنا ہے۔ بی جے پی حکومت نے مقبوضہ کشمیر میں خوف کا ماحول پیدا کیا، بھارت کشمیریوں میں انسانی حقوق کی سنگین خلاف ورزیاں کررہا ہے۔
صدر مملکت ڈاکٹر عارف علوی کا کہنا تھا کہ بھارت کی کشمیر میں اس قسم کی غیرقانونی کارروائیاں بڑھتے ہوئے ہندو فاشزم کا مظہر ہے، مودی حکومت کی ایما پر بھارتی فوج نے مظالم کی انتہا کردی۔ انہوں نے کہا کہ جنوبی ایشیا میں امن، استحکام کیلئےکشمیر کا منصفانہ حل ناگزیرہے، یہ دن دنیا کو کشمیریوں سے کیے گئے وعدے پورے کرنے کی یاد دہانی کراتا ہے۔
دوسری جانب وزیر خارجہ شاہ محمود قریشی نے یوم استحصال کشمیر پر پیغام میں کہا کہ پوری پاکستانی قوم5اگست2019کےبھارتی غیرقانونی اقدام کومسترد کرتی ہے، دنیا بھر میں مقیم کشمیری مودی کے غیرقانونی اقدام کی مذمت کررہے ہیں، مقبوضہ کشمیرکی قیادت نےبھارتی حکومت کےاقدامات کومسترد کردیا، پاکستان کشمیریوں کی اخلاقی، سیاسی اور سفارتی حمایت جاری رکھے گا۔
We will not relent in our moral & diplomatic support for Kashmiris’ right to self-determination in accordance w/ UNSC resolutions. The int’l community must hold ???????? accountable for its crimes, to reverse its illegal & unilateral actions & cease all terrorism. #IIOJKUnderSiege https://t.co/T7LLSh6aQq
— Shah Mahmood Qureshi (@SMQureshiPTI) August 5, 2021
یوم استحصال کشمیر کےحوالے سے وزیر اطلاعات کا کہنا تھا کہ پاکستان ہرسطح پر کشمیریوں کے ساتھ ہے، ہماری معاشی، سیاسی اور خارجہ محاذ پر تمام پالیسیاں مسئلہ کشمیر کو مد نظر رکھ کر بنی ہیں۔ مظلوم کشمیری عوام کیلئے پاکستانی عوام سیسہ پلائی دیوار ہیں، کشمیر پر ہم نے بھارت سے4جنگیں لڑیں، ہمارے جوان شہید ہوئے، پاکستانی، کشمیری جدوجہد کی شمع بجھنے نہیں دیں گے۔
5 اگست یوم استحصال کشمیر کے موقع پر وفاقی وزیر اطلاعات @fawadchaudhry کا کشمیری عوام کیلئے خصوصی پیغام:#KashmiriLivesMatter pic.twitter.com/tUhurUNp4Y
— Fawad Chaudhry (Updates) (@FawadPTIUpdates) August 4, 2021
وزیر اطلاعات فواد چودھری کا مزید کہنا تھا کہ پاکستان اور کشمیر کےعوام مل کر5اگست کے مودی حکومت کے اقدامات کو واپس کرائیں گے، مودی جیسا فاشسٹ ہماری قربانیوں کو ہرا نہیں سکتا۔ ہم چاہتے ہیں کہ بھارت تمام خودمختار صحافیوں کو بھارتی مقبوضہ کشمیر میں جانے کی اجازت دے۔غیر ملکی صحافیوں نے 5 اگست کو آزاد کشمیر اسمبلی کے اجلاس میں شرکت کرنا تھی لیکن بھارت نے غیر ملکی صحافیوں کو پاکستان آنے کی اجازت دینے سے انکار کر دیا۔