علی ساہی : پنجاب ٹریفک پولیس کی جانب سے لائن لین کی پابندی نہ کرنے والوں کے خلاف سخت کارروائیاں جاری ہیں, ترجمان کے مطابق گزشتہ ماہ لائن لین کی خلاف ورزی پر 2 لاکھ سے زائد شہریوں کے چالان کیے گئے۔
اعداد و شمار کے مطابق لاہور، راولپنڈی، فیصل آباد اور بہاولپور میں لائن لین کی خلاف ورزی پر سب سے زیادہ چالان جاری کیے گئے۔
ڈی آئی جی ٹریفک پنجاب نے کہا ہے کہ لائن لین کی خلاف ورزی ٹریفک حادثات کی ایک بڑی وجہ بنتی ہے، جبکہ لائن لین کی پابندی سے سڑکوں پر حادثات میں نمایاں کمی واقع ہوئی ہے۔
انہوں نے شہریوں سے اپیل کی کہ اپنی اور دوسروں کی حفاظت کے لیے ٹریفک قوانین پر مکمل عمل کریں۔