عابد چودھری: غازی آباد میں گھریلو تنازعہ پر بچیوں پر پٹرول چھڑک کرآگ لگانے والے سفاک ملزم کو گرفتار کر لیا گیا۔

 ملزم نے پولیس حراست میں بھی خود کوآگ  لگانے کی کوشش کی۔ ملزم عتیق نے 25 جون کو رات کے وقت بچیوں پر پٹرول چھڑک کر آگ لگائی۔

 14 سالہ طیبہ اور 7 سالہ مافیہ کو زخمی حالت میں ہسپتال منتقل کیا گیا۔ 4 دن بعد دونوں بچیوں نے ہسپتال میں دم توڑ دیا۔

 پولیس کے مطابق ملزم 14 سالہ طیبہ کا منگیتر ہے، مزید تحقیقات جاری ہیں۔