سٹی42:وفاقی وزیرداخلہ محسن نقوی کا لاہور ایئرپورٹ کا دورہ، محسن نقوی نے مسافروں کے امیگریشن کےعمل کا جائزہ لیا، ٹریول ہسٹری کو شناختی کارڈ،پاسپورٹ سے منسلک کرنے نظام کا مشاہدہ کیا۔

وفاقی وزیرداخلہ محسن نقوی نے تیز رفتار سسٹم پر ڈائریکٹر ایف آئی اے اور ٹیم کو سراہا، وزیر داخلہ نےبیرون ملک جانیوالے مسافروں سے ملاقات کی، محسن نقوی نے مسافروں سے امیگریشن پراسیس بارے پوچھا۔

وزیر داخلہ نےوطن واپس آنیوالے مسافروں کے امیگریشن کاؤنٹر کا بھی دورہ کیا، مسافروں سے امیگریشن پراسیس کے وقت کے بارے میں دریافت کیا، مسافروں نے امیگریشن پراسیس پر اطمینان کا اظہار،عملے کی تعریف کی۔

مسافروں کا کہنا تھا کہ صرف 2 منٹ میں امیگریشن کا عمل مکمل ہوا ،آپ کے دوروں سے امیگریشن پراسیس بہتر ہوا۔

محسن نقوی کا کہنا تھا کہ مکمل سفری دستاویزات کے حامل کسی مسافر کو روکا گیا نہ روکا جائیگا،نامکمل یا بوگس دستاویزات کے حامل مسافر کو سفر کی اجازت نہیں، پاکستان کی عزت ہم سب کی عزت ہے۔

وطن کی بدنامی کا باعث بننے والوں کو سفر کی اجازت نہیں دی جا سکتی،ڈائریکٹر ایف آئی اے علی ضیاء اور متعلقہ حکام بھی اس موقع پر موجود تھے۔