ویب ڈیسک : پاکستان میں شدید بارشوں اور سیلاب کی تباہ کاریوں کے باعث سندھ میں 100 کلو میٹر چوڑی جھیل وجود میں آ گئی ہے ۔
تفصیلات کے مطابق پاکستان میں شدید بارشوں اور سیلاب کی تباہ کاریوں کے باعث سندھ میں 100 کلو میٹر چوڑی جھیل بن گئی ہے جس کی تصویر ناسا نے شیئر بھی کر دی ہے۔امریکا کے خلائی تحقیقاتی ادارے ناسا کی جانب سے سندھ میں بننے والی جھیل کی خلاسے تصویر لی گئی جسے اپنی ویب سائٹ پر بھی جاری کیا گیا ہے۔
سیٹلائٹ سے لی گئی تصویر میں نیلا رنگ سیلابی جھیل کی نشاندہی کر رہا ہے جبکہ سیٹلائٹ تصاویر میں شدید بارشوں اور سیلاب سے سندھ کا بڑا حصہ ڈوبا نظر آ رہا ہے۔