عرفان ملک : شہر میں چائلڈ پورنوگرافی کا بڑا سکینڈل ، کم سن بچوں سے زیادتی کی ویڈیوز ڈارک ویب پر برائے فروخت دستیاب، لین دین ڈالروں میں ہونے لگا۔
رپورٹ کے مطابق ایف آئی اے سائبر کرائم ونگ نے چائلڈ پورنو گرافی کے ایک بڑے نیٹ ورک کو پکڑا ہے ۔ لاہور کے دس سے زائد بچوں کو درندگی کا نشانہ بنایا گیا اور ان سے بدفعلی کی پورن ویڈیوز کو فروخت کے لئے ڈارک ویب پر ڈال دیا گیا ۔ تاہم ایف آئی اے نے پیشہ ورانہ مہارت کا مظاہرہ کرتے ہوئے ویڈیوز کا پتہ چلانے کےبعد تفتیش شروع کی اورایک ملزم محمد یاسین کو گرفتار کرلیا۔ پتہ چلا ہے کہ بچوں سے بدفعلی ویڈیوز بنانے کے بعد ان پورن ویڈیوز کو فروخت کے لئے ڈارک ویب پر سودے بازی کی جاتی تھی اور ڈالروں میں رقم وصول کی جاتی تھی۔
ایف آئی اے سائبر کرائم حکام کا کہنا ہے ملزم کے خلاف مقدمہ درج کرکے اس کے باقی ساتھیوں کی گرفتاری کے لئے چھاپے مارے جارہے ہیں ۔ جلد اہم انکشافات کی توقع ہے۔