(مانیٹرنگ ڈیسک) وزیراعظم شہباز شریف کے معاون خصوصی عطا تارڑ نے توشہ خانہ کے تحائف کی ویڈیو جاری کردی۔
توشہ خانہ کے تحائف کہاں رکھے جاتےہیں اور وزیراعظم شہباز شریف کی کیا ہدایات ہیں ویڈیومیں تفصیل موجود ہے, ویڈیومیں دیکھاجاسکتا ہے توشہ خانہ کے تحائف کو وزیراعظم ہاؤس کی راہداریوں میں لگایاگیاہے, وزیراعظم شہباز شریف نے حسبِ روایت امانت اور دیانتداری کی نئی مثالیں قائم کی ہیں اور تحائف کو آویزاں کر کے شفافیت کا ثبوت دیا ہے۔
موجودہ دور حکومت میں توشہ خانہ کے تحائف کا کیا جاتا ہے؟ انہیں کہاں رکھا جاتا ہے؟ اس ضمن میں وزیر اعظم کی کیا ہدایات ہیں؟ پچھلے دور حکومت میں کیا ہوا؟ تمام تفصیلات اس ویڈیو میں ہیں pic.twitter.com/evRxnOTwke
— Attaullah Tarar (@TararAttaullah) November 26, 2022
ویڈیو میں بتایا گیا کہ پچھلے دور حکومت میں توشہ خانہ کے تحائف کو غیر قانونی طریقے سے بیچ دیا جاتا تھا اور اس سے حاصل ہونے والی رقم کو آج تک ڈیکلیئر نہیں کیا گیا۔
توشہ خانہ کیا ہے؟
توشہ خانہ ایک ایسا سرکاری محکمہ ہے جہاں دوسری ریاستوں کے دوروں پر جانے والے حکمران یا دیگر اعلیٰ عہدیداروں کو ملنے والے قیمتی تحائف جمع کیے جاتے ہیں۔
کسی بھی غیر ملکی دورے کے دوران وزارتِ خارجہ کے اہلکار ان تحائف کا اندراج کرتے ہیں اور ملک واپسی پر ان کو توشہ خانہ میں جمع کروایا جاتا ہے۔یہاں جمع ہونے والے تحائف یادگار کے طور پر رکھے جاتے ہیں یا کابینہ کی منظوری سے انھیں فروحت کر دیا جاتا ہے۔
توشہ خانہ تحائف کی نیلامی کا طریقہ کار کیا ؟
حکمرانوں کی جانب سے توشہ خانہ میں جمع کروائے گئے تحائف حکومت کے بنائے ہوئے قواعد کے تحت ہی فروخت کیے جا سکتے ہیں۔
اگر کوئی سربراہِ مملکت چاہے تو وہ ملنے والے کسی تحفے کو مخصوص رقم ادا کر کے اپنے پاس رکھ سکتا ہے مگر پاکستان اور انڈیا میں ایسے تحائف کی نیلامی بھی کی جاتی ہے اور اس سے حاصل ہونے والا پیسہ ریاست کے خزانے میں جاتا ہے۔