ویب ڈیسک : نیشنل کمانڈ اینڈ آپریشن سینٹر کے سربراہ اور وفاقی وزیر اسد عمر نے کہا ہے کہ پاکستان میں کورونا وائرس سے بچاؤ کی ویکسین لگوانے والوں کی تعداد 15 کروڑ سے بڑھ گئی ہے۔
رپورٹ کے مطابق اسد عمر نے اپنے ٹویٹر اکاؤنٹ سے ایک ٹویٹ کی کہ پنجاب میں سب سے زیادہ افراد کی ویکسینیشن ہوگئی ہے۔پنجاب میں 68 فیصد افراد نے ویکسین کی ایک خوراک لگوائی ہے، خیبر پختونخوا میں 75 فیصد، سندھ میں 51 فیصد اور بلوچستان میں 38 فیصد افراد کی ویکسینیشن ہو چکی ہے۔‘
Total vaccinations carried out now exceed 15 crores. Punjab leads the way in provinces with 68% of eligible population having recieved atleast 1 dose. KP at 57%, Sind at 51% and Balochistan at 38%. Balochistan ,has done a great job in December and sharply increased vaccinations
— Asad Umar (@Asad_Umar) December 27, 2021
حکومت نے ملک میں کورونا وائرس سے بچاؤ کی ویکسین کے بوسٹر شاٹس لگوانے کے لیے بڑے شہروں میں ویکسینین سینٹرز قائم کیے ہیں جہاں سے لوگ ویکسین کی اضافی خوراک لگوا سکیں گے۔خیال رہے کہ پاکستان میں کورونا وائرس کی مثبت شرح 0.68 فیصد ہے۔گذشتہ 24 گھنٹوں میں 301 مثبت کیسز رپورٹ ہوئے ہیں جبکہ دو افراد ہلاک ہوئے ۔