(ویب ڈیسک) صدر عارف علوی سے نئے چیئرمین جائنٹ چیفس آف سٹاف کمیٹی جنرل ساحر شمشاد مرزا اور نئے چیف آف آرمی سٹاف جنرل سید عاصم منیر نے ایوانِ صدر میں علیحدہ علیحدہ ملاقاتیں کیں۔
صدر مملکت نے ساحر شمشاد مرزا کو جنرل کے عہدے پر ترقی اور بطور چیئرمین جائنٹ چیفس آف سٹاف کمیٹی تعیناتی پر مبارکباد دی ،چیئرمین جائنٹ چیفس آف سٹاف کمیٹی کی تعیناتی کا اطلاق 27 نومبر 2022 سے ہو گا۔
صدر مملکت نے سید عاصم منیر کو جنرل کے عہدے پر ترقی اور انکی چیف آف آرمی سٹاف کے طور پر تعیناتی پر مبارکباد دی ،چیف آف آرمی سٹاف کی تعیناتی کا اطلاق 29 نومبر 2022 سے ہوگا۔
صدر مملکت نے انہیں چیئرمین جائنٹ چیفس آف سٹاف کمیٹی اور چیف آف آرمی سٹاف کے طور پر ان کی کامیابی کیلئے نیک تمناؤں کا اظہار کیا۔