حافظ شہباز علی: پی سی بی سال 2021 کے سب سے قیمتی کرکٹر ایوارڈ کے فاتح وکٹ کیپر محمد رضوان کا ایک بیان میں کہنا ہے کہ آسٹریلیا کی پاکستان آمد کا احساس ابھی سے محسوس کر رہا ہوں، آسٹریلیا کی کرکٹ ٹیم 24 برسوں کے بعد پاکستان کا دورہ کر رہی ہے۔
پاکستان کرکٹ ٹیم کےوکٹ کیپر محمد رضوان کا کہنا تھا کہ دورے کے حوالے سے آسٹریلیا کے کھلاڑیوں، سابق کرکٹرز، فینز، براڈ کاسٹرز اور میڈیا کے بیانات خوش آئند ہیں۔ تاریخی دورہ کرنے والی آسٹریلوی ٹیم کو پاکستان کی پوری قوم خوش آمدید کہنے کے لیے تیار ہے۔ دونوں ممالک کے کھلاڑیوں کا مضبوط تعلق سیریز کو چار چاند لگائے گا۔ آسٹریلوی کھلاڑیوں کا پی ایس ایل اور ہمارے کھلاڑیوں کا بگ بیش لیگ کھیلنا دونوں ممالک کے مضبوط کرکٹ روابط کا ثبوت ہے۔
.@iMRizwanPak is super excited for the Australian tour to Pakistan. Let's hear his thoughts on the historic series that will be played in March-April 2022. pic.twitter.com/I2nLvhX8g6
— Pakistan Cricket (@TheRealPCB) January 20, 2022
قومی کرکٹر کا کہنا تھا کہ ٹی ٹوئنٹی ورلڈ کپ کے دوران قومی ٹیم کے بیٹنگ کنسلٹنٹ میتھیو ہیڈن نے کئی مرتبہ پاکستان سے محبت بھرے الفاظ کا اظہار کیا۔ جسٹن لینگر بھی مجھ سے پاکستان کے بارے میں مثبت گفتگو کرچکے ہیں۔ ان کا مزید کہنا تھا کہ آسٹریلیا ایک مضبوط اور مشکل حریف ہے۔پاکستان کو ہم گراونڈ اور ہوم کراوڈ کا ایڈوانٹیج ہو گا۔