عادیہ ناز:رمضان المبارک کے آغاز کے ساتھ شہر میں عطر کی مانگ میں نمایاں اضافہ دیکھنے میں آیا ہے۔
عطر فروشوں کے مطابق شہریوں نے پرفیوم کی بجائے عود اور دیگر روایتی خوشبوئیں خریدنا ترجیح دینا شروع کر دیا ہے، جس سے دکانداروں کے کاروبار میں تیزی آئی ہے۔
تاجروں کا کہنا ہے کہ رمضان کے مہینے میں عطر اور خوشبوئیں مسلمانوں کی عبادات اور افطاری و دعوتوں کے موقع پر استعمال کے باعث سب سے زیادہ پسند کی جانے والی اشیاء میں شامل ہیں۔ دکانداروں نے بتایا کہ رواں سال شہری عطر خریدنے میں زیادہ دلچسپی لے رہے ہیں اور مارکیٹ میں اس کی طلب میں اضافہ دیکھا جا رہا ہے۔
عطر فروشوں کا مؤقف ہے کہ رمضان میں عطر کی مانگ میں اضافہ نہ صرف کاروبار کو فروغ دیتا ہے بلکہ لوگوں کی مذہبی و ثقافتی روایات کے مطابق خوشبوؤں کے استعمال کو بھی بڑھاتا ہے۔