(حافظ شہباز علی) قومی ٹیسٹ کپتان اظہر علی نے کہا ہے کہ 3 ماہ بعد کھیل کا آغاز کرنے والے کھلاڑیوں کو مرحلہ گراؤنڈ میں واپس لارہے ہیں، 2 روزہ پریکٹس میچ ہماری بیک ٹو بزنس پالیسی کا دوسرا مرحلہ تھا۔
تین ٹیسٹ اور تین ٹی ٹوئنٹی میچوں کی تیاریوں کے سلسلے میں وورسٹر میں موجود قومی ٹیسٹ اسکواڈ کے کپتان اظہر علی کا کہناتھا کہ کوویڈ 19 کی بریک کے بعد کسی بھی کھلاڑی کے لیے میدان میں آنا آسان نہیں، لہٰذا ٹیم انتظامیہ نے تمام کھلاڑیوں کی درجہ بدرجہ گراؤنڈ میں واپسی کا پلان بنارکھا ہے۔
Test captain @AzharAli_ reviews Pakistan’s first week of training in Worcester
— Pakistan Cricket (@TheRealPCB) July 8, 2020
More ???? https://t.co/IejEX25ITR pic.twitter.com/QvVa09GyQq
ٹیسٹ کپتان کا کہنا تھا کہ بابراعظم اور اسد شفیق سمیت تمام بلے بازوں نے پریکٹس میچ میں بہتر بیٹنگ کا مظاہرہ کیا مگر باؤلرز کو ابھی کنڈیشنز اور نئے قوانین سے واقفیت میں کچھ وقت لگے گا، وورسٹر میں موجود قومی کرکٹ ٹیم نے ایک روز آرام کے بعد بدھ کے روز دو مختلف سیشنز میں ٹریننگ کی ۔ تین تین گھنٹوں پر مشتمل سیشنز میں کھلاڑی بیٹنگ، باؤلنگ اور فیلڈنگ کی بھرپور پریکٹس کی۔
Pakistan squad training and practice session underway at New Road Ground, Worcester. pic.twitter.com/nEolUAmFvf
— Pakistan Cricket (@TheRealPCB) July 8, 2020
قبل ازیں تیسرے گروپ میں شامل قومی کرکٹر حیدر علی ، عمران خان سینئر اور کاشف بھٹی اور قومی ٹیم کے مساجر ملنگ علی آج دورہ انگلینڈ کی کیلئے روانہ ہوگئے، انگلینڈ پہنچنے پر کھلاڑیوں اور مساجر کی دوبارہ کورونا ٹیسٹنگ کی جائے گی کوویڈ19 ٹیسٹ منفی آنے کے بعد کھلاڑی ٹیم کو جوائن کر سکیں گے قومی کرکٹرز اور مساجر دو بار کورونا ٹیسٹ مثبت آنے کی وجہ سے تاخیر سے جا رہے ہیں، اعلان کردہ اسکواڈ میں شامل فاسٹ باؤلر حارث رؤف واحد کھلاڑی ہیں جو مہلک کورونا وائرس میں مبتلا ہیں جن کو دو بار کوویڈ 19 ٹیسٹ نیگیٹو آنے کے بعد انگلینڈ بھیجا جائے گا۔
The third group of Pakistan squad departs for England.#ENGvPAK pic.twitter.com/zwwCu1vLvl
— Pakistan Cricket (@TheRealPCB) July 8, 2020