(سعید احمد سعید) پاکستان ریلوے کے لیے بڑی خبر، ایکنک نے ایم ایل ون منصوبے کی منظوری دے دی، منظوری کیبنٹ بلاک میں مشیر فنانس عبدالحفیظ شیخ کی سربراہی میں ہونے والی میٹنگ میں کی گئی۔ ایکنک سے منظوری پر وزیر ریلوے شیخ رشید کا خیر مقدم، سارا کریڈٹ عمران خان کو دے دیا۔
ایم ایل ون منصوبے کی ایکنک سے منظوری کے بعد 1872کلو میٹر ٹریک کی اپ گریڈیشن کی جائے گئی۔ایم ایل ون منصوبے میں کراچی سے پشاور ریلوے ٹریک شامل ہے۔منصوبے پر 6.8 بلین ڈالرز تخمینہ لگایا گیا ہے، ذرائع کے مطابق سی پیک منصوبے کا حصہ ایم ایل ون کا افتتاح رواں سال ہی کیا جائے گا، وزیر ریلوے شیخ رشید کا خیر مقدم، شیخ رشید کا کہنا ہے کہ ڈیڑھ لاکھ لوگوں کو روزگار ملے گا، اور اس کی تکمیل کے بعد ریلوے ٹریک سے لیول کراسنگ ختم ہو جائیں گئے، اور اس کی جگہ اوور ہیڈ بریجز بنائے جائیں گئے, یہ 5 سالہ منصوبہ ہوگا اور ٹرین کی سپیڈ 160 کلومیٹر فی گھنٹہ ہوجائے گی۔ منصوبے کی منظوری کا کریڈٹ عمران خان حکومت کو جاتا ہے۔
اسلام آباد۔ 5 اگست
— Sheikh Rashid Ahmad (@ShkhRasheed) August 5, 2020
مشیر خزانہ عبدالحفیظ شیخ کی زیر صدارت ایکنک اجلاس سے ریلوے کا تاریخ ساز ایم ایل ون منصوبہ منظور - وزیر ریلوے شیخ رشید احمد کا ویڈیو بیان جاری۔ pic.twitter.com/3hqSFY2nHp
دوسری جانب چیئرمین سی پیک اتھارٹی عاصم باجوہ نے سماجی رابطے کی ویب سائٹ ٹویٹر پر اپنی ٹویٹ میں تصدیق کرتے ہوئے کہا کہ ایکنک نے ریلوے کا منصوبہ ایم ایل ون منظور کر لیا، پشاور سے کراچی ایم ایل ون منصوبے پر 6.8 ارب ڈالر کی لاگت آئے گی، جب کہ منصوبے کے تحت حویلیاں ڈرائی پورٹ اور والٹن اکیڈمی کی اپ گریڈیشن بھی ہوگی۔
Update ML-1:Alhamdolillah, ECNEC has approved the transformational railway project at a cost of$ 6.806 Bn from Peshawar to Kci(1872 KMs) including Havelian Dry Port and upgrading Walton Academy . #cpec #CPECMakingProgress #pakistanmakingprogress
— Asim Saleem Bajwa (@AsimSBajwa) August 5, 2020