سعود بٹ: پنجاب کی مختلف جامعات میں کروڑوں روپے کی مالی بے ضابطگیوں کا انکشاف، محکمہ ہائر ایجوکیشن ڈیپارٹمنٹ نے کارروائی کا آغاز کر دیا۔

تفصیلات کے مطابق پنجاب کی چار جامعات میں مجموعی طور پر پانچ کروڑ سے زائد رقم کی مالی بے ضابطگیاں سامنے آئی ہیں۔ کنیئرڈ کالج فار وومن یونیورسٹی میں 1 کروڑ 33لاکھ، یونیورسٹی آف گجرات 1 کروڑ 55 لاکھ، گورنمنٹ کالج فار وومن یونیورسٹی فیصل آباد 1 کروڑ 33 لاکھ، بہاؤالدین زکریا یونیورسٹی ملتان میں 1 کروڑ 14 لاکھ روپے کی بے ضابطگیاں سامنے آئی ہیں۔ مالی بے ضابطگیاں ٹھیکوں اور تنخواہوں کی مد کی گئیں۔

محکمہ ہائر ایجوکیشن ڈیپارٹمنٹ نے ان جامعات سے جواب طلب کر کے محکمانہ کارروائی کا آغاز کر دیا ہے۔

مزید دیکھیے