ویب ڈیسک: پاکستان انٹرنیشنل ائیرلائن ( پی آئی اے)  کی جانب سے پاکستان سٹیٹ آئل کو مزید 7 کروڑ ادا کردیے گئے ۔

 پی ایس او ذرائع کے مطابق آج 7 کروڑ روپے کی ادائیگی کی گئی ہے اور اس کے ساتھ ہی 8 پروازوں کی ری فیولنگ کیلئے فہرست بھی دی گئی ہے جن میں 6 انٹرنیشنل اور 2 اندرون ملک کی پروازیں ہیں۔

واضح رہے کہ ملکی مالی حالات کے باعث بین الاقوامی اداروں کا پی آئی اے پر مبینہ عدم اعتماد کا اظہار اور حکومت کی عدم توجہی کے باعث ایئرلائن کو اپنی تاریخ کے سنگین مالی بحران کا سامنا ہے۔