سٹی42: نئے قذافی سٹیڈیم میں میچ دیکھنے والوں کو ورلڈ کلاس کرکٹ کے ایسے جلوے دیکھنے کو مل رہے ہیں جو واقعتاً رئیر ہیں۔ دباؤ میں کھیلتی ہوئی آسٹریلیا کے ایلیکس کیری نے بھی ففٹی مکمل کر لی۔ کری کو 50 رنز بنانے کے لئے 49 گیندیں کھیلنا پڑیں۔
39 اوورز کے اختتام پر آسٹریلیا کا مجموعہ 261 رنز ہے۔ اس اوور میں جوفرا آرچر کو جوش انگلیس سے دو چوکے پڑے۔
اب میچ جیتنے کے لےئ آسٹریلیا کو 65 گیندوں سے 90 رنز بنانا ہیں جو ان کے لئے کوئی بڑی ڈیل نہیں کیونکہ ویٹنگ لسٹ میں گلین میکسویل بھی پیڈ کس کر بیٹھے ہیں۔
سٹی42: پاکستان کی میزبانی میں ہو رہی چیمپئینز ٹرافی 2025 کے چار میچوں میں 7 سینچریاں بن گئیں.سبھی سینچریاں ایک سے ایک رہیں، افغانستان کے رحمت شاہ 90 رنز بنا کر آؤٹ ہوئے، ان کی سینچری بن جاتی تو چیمپئینز ٹرافی کے 4میچوں میں سینچریوں کی تعداد 8 ہوتی۔ فینز آج پاکستان اور روایتی حریف کے میچ میں بھی دو ڈھائی سینچریاں بننے کی توقع کر رہے ہیں۔
قذافی سٹیڈیم میں ٹکٹ خرید کر میچ دیکھنے والوں کو آج دو دو سینچریاں بنتے دیکھنے کا موقع ملا۔ انگلینڈ کے بین ڈکیٹ نے 165 رنز کی اننگز کھیلی تھی، دوسری اننگز میں آسٹریلیا کے جوش انگلیس نے صبر کے ساتھ بیٹنگ کرتے ہوئے 77 گیندوں سے 104 رنز بنائے اور آسٹریلیا کو 351 رنز کے پہاڑ جیسے ٹارگٹ تک لانے میں بنیادی کردار بن گئے۔
ہفتہ کے روز لاہور کے قذافی سٹیڈیم میں ہونے والی انگلینڈ اور آسٹریلیا کے میچ میں پہلے انگلینڈ کے بین ڈکٹ نے بہت طویل کھیل کھیلا انہوں نے 167 رنز 143 گیندوں سے بنائے۔
آسٹریلیا کے جوش انگلس 86 گیندوں پر 120 رنز کے ساتھ ناقابل شکست رہے، ان کی اننگز میں 6 چھکے اور 8 چوکے شامل تھے۔
تیسرے میچ میں ایک سینچری تو بند گئی لیکن دوسری بنتے بنتے رہ گئی۔ افغانستان کے رحمت 90 رنز پر کاٹ بی ہائینڈ ہو گئے، کیگیسو ربادا کی بال ان کے بیٹ سے بال برابر چھوتی ہوئی گزر گئی اور وکٹوں کے پیچھے ریان ریکلٹن نے کیچ لے لیا۔ یہ سینچری ہو جاتی تو چیمپئینز ٹرافی کے پہلے تین میچوں میں چھ سینچریاں بننے کا منفرد ریکارڈ بن جاتا۔
جمعہ کے روز نیشنل سٹیدیم کراچی میں میگا ایونٹ کے تیسرے میچ میں پہلے ساؤتھ افریقہ کے اوپنر ریان ریکیلٹن نے سینچری بنائی۔ انہوں نے 106 گیندوں سے 103 رنز بنائے۔ ان کی بے داغ بیٹن کی اننگز میں 7 چوکے اور ایک چھکا شامل تھے۔
ریان ریکلٹن کو ان کی بہترین پرفارمنس کی بدولت آج کے میچ کا بہترین پلئیر ایوارڈ بھی ملا۔
چیمپئینز ٹرافی کے پہلے دو میچوں میں چار سینچریاں بنیں؛ ہر میچ میں دو سینچریاں بن رہی تھیں جو ون ڈے کرکٹ میگا ایونٹ میں اپنی نوعیت کی ایک نئی ہائیپ ہے۔ لیکن تیسرے میچ میں بے حد دباؤ میں کھیل رہے افغانستان کے اعتماد سے کھیلتے چلے آ رہے رحمت کو ڈسٹرب کرنے والا فیکٹر دوسرے اینڈ پر وکٹوں کا مسلسل گرتے چلے جانا اور آخری بیٹر کا وکٹ پر آ جانا تھا، اس وقت رحمت کے سینچری مکمل کرنے میں دس رنز باقی تھے۔ غالباً اسی دباؤ کا شکار ہو کر وہ کاٹ بی ہائینڈ ہوئے۔
رحمت شاہ نے ساؤتھ افریقہ کے ساتھ میچ میں سینچری تو نہ کی لیکن بہرحال کمال اننگز کھیلی، 92 گیندوں سے 90 رنز بنائے، دنیا کے بہترین باؤلرز کو 9 چوکے مارے اور 1 چھکا بھی مارا۔ وہ 14 ویں اوور میں 2 وکٹیں گرنے کے بعد ٹو ڈاؤن پر وکٹ پر آئے، اس وقت افغانستان کا مجموعہ 50 تھا، ٹیم کو 315 رنز کا پہاڑ سر کرنے کی مشکل درپیش تھی۔
رحمت کے وکٹ پر آتے ہی، دوسرے اینڈ پر حشمت اللہ شہیدی شہید ہو گئے۔ 50 رنز کے مجموعہ پر ہی دوسری وکٹ گرنے سے افغانستان کا مورال بری طرح ڈاؤن ہوا لیکن صرف ایک اینڈ پر، جس اینڈ پر رحمت شاہ تھے وہاں سب کچھ معمول کے مطابق رہا، انہوں نے اعتماد کے ساتھ باؤلرز کی گیندوں کو کرکٹ کی کتاب کے سنہری اصولوں کی روشنی میں جہاں جہاں بھیجنا چاہئے تھا وہیں بھیجا۔ ان کا سکور بڑھنے کی رفتار ٹی ٹونٹی جیسی تیز نہ سہی لیکن ون ڈے میچ کی رفتار میں بہترین رہی؛ یعنی ہر بال پر ایک رن!
رحمت شاہ کی ذاتی بدقسمتی یہ ہوئی کہ دوسرے اینڈ پر آنے والے تمام بیٹر وکٹ پر رکنے میں کامیاب نہیں ہوئے۔ اس کے باوجود رحمت نے ہمت نہیں ہاری اور ٹیم کے مجموعے کو دھکیلتے ہوئے 42 اوورز میں 208 تک لے آئے، ٹیم کی ہار یقینی ہو چکی تھی کیونکہ درکار رن ریٹ بڑھتے برھتے 13 سے اوپر جا چکا تھا اور وکٹ کوئی باقی نہیں رہی تھی، 42 وین اوور میں ویان ملڈر کی آخری گیند پر نور کلین بولڈ ہو گئے۔ اس کے بعد آخری بیٹر فضل حق فاروقی وکٹ پر آئے جو دراصل باؤلر ہیں، اور اوور ختم ہونے کے سبب رحمت خود بیٹنگ اینڈ پر آئے۔
کیگیسو ربادا کی پہلی دو گیندیں رحمت نے ڈوٹ جانے دیں اور تیسری گیند پر سنِک ہو گئے۔
گزشتہ میچوں کی چار سینچریاں
کل جمعرات کے روز چیمپئینز ٹرافی 2025 کے دبئی انترنیشنل سٹیڈیم میں ہو رہے میچ میں ایک سینچری بنگلہ دیش کے بیٹر توحید ہردوئے نے بنائی تھی، دوسری سینچری دوسری اننگز میں انڈیا کے شبمن گِل نے بنائی ہے۔ شبمن گِل نے 127 گیندوں سے 100 رنز بنائے۔
پاکستان کی میزبانی میں چیمپئینز ٹرافی کی دبئی سیگمنٹ میں پہلا میچ بنگلہ دیش اور انڈیا کے درمیان ہو ا۔ بنگلہ دیش نے پہلے بیٹنگ کی، پہلی پانچ وکٹیں 35 رنز کے مجموعے پر گنوا دیں۔ تب بھی توحید نے دباؤ مین کھیلتے ہوئے سینچری تک مشکل سفر مکمل کر لیا۔ اس میچ میں بنگلہ دیش نے 229 رنز بنائے تھے۔
نیوزی لینڈ اور پاکستان کے میچ میں اوپنر یونگ اور ان کے بعد لیتھم نے جراحانہ بیٹنگ کر کے دو سینچریاں بنائی تھیں، پاکستان کے بیٹر خوشدل شاہ 49 گیندوں سے 69 اور بابر اعظم 94 گیندوں سے 64 بنا کر آؤٹ ہوئے۔ پاکستان کی ٹیم یہ میچ ہاری اور دونوں بہترین بیٹر دباؤ مین ہی کھیلتے ہوئے سینچری سے کافی دور آؤٹ ہوئے۔
February 02, 2026
February 02, 2026
سٹی42: پاکستان کی میزبانی میں ہو رہی چیمپئینز ٹرافی کے چار میچ ہو چکے، بھارت کو اس کی ضد کے مطابق دبئی میں کھیلنے کا موقع فراہم کر دیا گیا لیکن جلن ہے کہ ختم ہونے میں نہیں آ رہی، بظاہر ایسا دکھائی دیتا ہے کہ اس جلن کا اظہار ہفتہ کے روز پاکستان کے دل لاہور کے نئے قذافی سٹیڈیم میں آسٹریلیا، انگلینڈ کے میچ میں بھارت کا "قومی ترانہ" چلوا کر کیا گیا۔
انڈیا کی نیوز آؤٹ لیٹ ٹائمز آف انڈیا نے اس واقعہ کی خبر میں اسے "اینتھم بلنڈر" لکھا۔
میچ انگلینڈ اور آسٹریلیا کا تھا ور وہاں قومی ترانہ بھارت کا نشر ہو رہا تھا۔ پاکستان کرکٹ بورڈ نے اس حرکت پر انٹرنیشنل کرکٹ کونسل آئی سی سی سے وضاحت طلب کر لی ہے۔
پاکستان کرکٹ بورڈ کا کہنا ہے کہ بھارت تو پاکستان مین کوئی میچ کھیل ہی نہیں رہی، اس کا قومی ترانہ قذافی سٹیڈیم میں ہفتے کے روز ہوئے میچ میں کیسے چل گیا، اس کی وضاحت کی جائے۔
بتایا جا رہا ہے کہ "غلطی" آئی سی سی کی ہے، آئی سی سی نے جو قذافی سٹیڈیم، نیشنل کرکٹ سٹیڈیم اور راولپنڈی کرکٹ سٹیڈیم کے ساتھ دبئی کے انٹرنیشنل کرکٹ سٹیڈیم میں چیمپئینز ٹرافی کے میچوں کی سپرویژن کر رہی ہے، ڈی جے کو قومی ترانوں کی فہرست آئی سی سی کی جانب سے دی گئی تھی۔
پی سی بی کے ذرائع کہہ رہے ہیں کہ پلے لسٹ میں بھارت کا ترانہ نہیں ہونا چاہئے تھا کیونکہ بھارت تو پاکستان میں کوئی میچ کھیل ہی نہیں رہا۔ پی سی بی کے ذرائع کا کہنا ہے کہ پی سی بی کو آئی سی سی کی وضاحت کا انتظار ہے۔
چیمپئینز ٹرافی کے دوران بھارت نوازی یا پاکستان سے بغض کی مظہر یہ پہلی "غلطی" نہیں ہے۔ اس سے پہلے بھارت اور بنگلہ دیش کا جو میچ دبئی میں ہوا اس کی لائیو نشریات کے دوران ایونٹ لوگوں سے پاکستان کا نام غائب تھا۔ بعد میں آئی سی سی نے اسے گرافکس بنانے والوں کی غلطی قرار دے دیا تھا اور معذرت کر لی تھی لیکن یہ غلطی میچ کی ابتدا سے آخر تک کسی نے ٹھیک نہیں کروائی تھی۔
اہم بات بلکہ اہم ترین بات!
چیمپئینز ٹرافی کرکٹ کی دنیا کی موسٹ پریسٹیجئیس ٹرافی ہے۔ اسے کلاسیکل کرکٹنگ ایونٹ تصور کیا جاتا ہے۔ پاکستان کی میزبانی میں قذافی سٹیڈیم کی وکٹ پر پہلے سب سے بڑا مجموعہ بنا پھر سب سے بڑا ٹارگٹ چیز ہوا اور آئی سی سی کے ریکارڈز میں لکھا گیا کہ سب سے بڑا ٹارگٹ چیز کرنے والا میچ قذافی سٹیڈیم میں ہوا۔ صرف یہی نہین، پاکستان کی میزبانی میں ہو رہی چیمپئینز ٹرافی میں مجموعی طور پر اتنے ریکارڈ بنیں گے کہ حاسدوں کے ہاں برنول کا سٹاک تھوڑا پڑ جائے گا۔
سٹی42: پاکستان کی میزبانی میں ہو رہی چیمپئینز ٹرافی کے چوتھے میچ مین نئے قذافی سٹیڈیم میں آئی سی سی کے ایونٹس (ون ڈے ورلڈ کپ اور چیمپئینز ٹرافی) کا نیا گلورئیس ریکارڈ بن گیا۔
قذافی سٹیڈیم میں کھیلے گئے چیمپئینز ٹرافی2025 کے چوتھے میچ میں آسٹریلیا نے352 رنز بنا کر آئی سی سی ایونٹس میں ٹارگٹ کامیابی سے چیز کرنے کا نیا ریکارڈ بنا ڈالا۔
انگلینڈ نے پہلے کھیل کر 351 رنز بنائے تھے۔ آسٹریلیا کے کیپٹن سمتھ نے آج ٹاس جیتا تھا اور خود ٹارگٹ چیز کرنے کی آپشن لی تھی۔ لیکن اس وقت یقیناً انہیں معلوم نہیں ہو گا کہ آج آئی سی سی کی ہسٹری کا سب سے بڑا ٹارگٹ کامیابی سے چیز کرنے منفرد ریکارڈ ان کا انتظار کر رہا ہے۔ آسٹریلیا کے بیٹرز نے مل کر 352 رنز 48 ویں اوور میں ہی بنا لئے اور ون ڈے کرکٹ کے آئی سی سی ایونٹس کی نئی تاریخ رقم کردی۔
انگلینڈ نے 50 اوورز میں 8 وکٹوں کے نقصان پر 351 رنز بنائے، آسٹریلیا نے 47.3 اوور میں 5 وکٹوں کے نقصان پر 356 رنز بنا ڈالے۔ وننگ سٹروک ایک چھکا تھا جو جوش انگلیس نے لگایا۔
اس سے پہلے آئی سی سی کے کسی ون ڈے ٹورنامنٹ میں اتنا بڑا ہدف عبور نہیں کیا جاسکا۔
چیمپئنز ٹرافی کے چوتھے میچ کی دو اننگز میں دو شاندار سینچریاں بھی بنیں۔ چار میچوں مییں سے تین میں دو دو سینچریاں بنیں اور ایک میچ میں ایک سینچری بنی۔
آئی سی سی چیمپئنز ٹرافی کے چوتھے میچ میں انگلینڈ اور آسٹریلیا نے چیمپئینز ٹرافی کی ہسٹری کا سب سے بڑا مجموعہ بھی بنا دیا۔
قذافی سٹیڈیم کی نئی مبارک وکٹ پر ہوئے اس میچ میں دونوں ٹیموں نے 707 رنز اسکور کیے۔
2017 میں بھارت اور سری لنکا کے میچ میں مجموعی طور پر 643 رنز بنے تھے جو اب تک چیمپئینز ٹرافی کا ایک میچ کا سب سے بڑا مجموعی سکور تھا۔
آج کے میچ میں چیمپئنز ٹرافی کی تاریخ میں انگلینڈ 350 رنز بنانے والی پہلی ٹیم بنی جب کہ آسٹریلیا کی ٹیم چیمپئینز ٹرافی کی ہسٹری میں356 رنز بنانے والی پہلی ٹیم بن گئی۔ یہ عظیم مجموعی ٹارگٹ چیز کرتے ہوئے بنا جس کے سبب اس کی اہمیت کچھ زیادہ ہے اور اس ریکارڈ کا ٹوٹنا آسان نہین ہو گا۔
آسٹریلیا نے 2019 میں بھارت کے ساتھ ون ڈے انٹرنیشنل میچ میں 359 رنز کا ٹارگٹ کامیابی سے چیز کیا تھا۔
February 02, 2026
February 02, 2026
سٹی42: چیمپئنز ٹرافی کے چوتھے میچ میں جوش انگلس کی شاندار سنچری کی بدولت آسٹریلیا نے انگلینڈکو 5 وکٹوں سے ہرادیا ہے۔
لاہور کے قذافی اسٹیڈیم میں کھیلے گئے میچ میں آسٹریلیا کے کپتان اسٹیو اسمتھ نے ٹاس جیت کر انگلینڈ کو بیٹنگ کی دعوت دی۔ انگلینڈ نے بین ڈکٹ کے شاندار 165 رنز کی بدولت مقررہ 50 اوورز میں 8 وکٹوں کے نقصان پر 351 رنز بنائے جواب میں آسٹریلیا نے ہدف 47.3 اوور میں حاصل کرلیا۔
آسٹریلیا کے جوش انگلس 86 گیندوں پر 120 رنز کے ساتھ ناقابل شکست رہے، ان کی اننگز میں 6 چھکے اور 8 چوکے شامل تھے۔
جوش انگلس کی یہ ون ڈے کرکٹ میں پہلی سنچری تھی جس کے بعد وہ کرکٹ کے تینوں فارمیٹس (ٹیسٹ ، ون ڈے، ٹی ٹوئنٹی) کے انٹرنیشنل میچز میں سنچری بنانےکا اعزاز حاصل کرچکے ہیں۔
جوش انگلس سے قبل شین واٹسن، گلین میکسویل، ڈیوڈ وارنر اور وومن کرکٹر بیتھ مونی بھی یہ کارنامہ سرانجام دے چکی ہیں۔
سٹی42: وزیراعلیٰ مریم نواز کی ٹیم نے چیمپئینز ٹرافی2025 کے پیداکردہ بخار میں مبتلا ہو کر وزیراعلیٰ مریم نواز کی حکومت کی ایک سال کی کارکردگی کو کرکٹ کے استعاروں سے بیان کرتا ایک امیزنگ ایڈ بنا کر بعض نیوز/ سپورٹس چینلز پر ریلیز کر دیا۔
اس امیزنگ ایڈ میں دکھایا گیا ہے کہ سٹیڈیم میں لڑکیوں کا میچ ہو رہا ہے، لڑکیوں کا میچ دیکھنے کے لئے سٹیڈیم فینز سے بھرا ہے، وکٹ پر موجود بیٹر لڑکی ہر بال پر چھکے پہ چکھا مار رہی ہے، غیر معمولی انرجی سے بھری اس لڑکی کا کھیلا ہوا ہر سٹروک غیر معمولی ہے۔
ہر سٹروک سے بال بہت زیادہ بلندی پرجاتی ہے اور ہوا میں اڑتی ہوئی کبھی کھیت میں کام کرتے کسان کے قدموں میں، کبھی سڑک پر ستھرا پنجاب کے سڑک کی صفائی میں مصروف سٹاف کے قدموں میں جا کر گرتی ہے، ایک بال (غالباً سکالر شپ سے پڑھ کر ڈگری لینے کے لئے آئے) نوجوان سکالر کے قریب آ کر گرتی ہے۔ تمام لوگ جن کے قریب بال آ کر گرتی ہے، خوشی سے مسکراتے ہیں ، جیسے وہ جانتے ہوں کہ بال کہاں سے، کس نے بھیجی ہے، پھر بال کو واپس ہوا میں اچھال دیتے ہیں۔ سٹیڈیم میں وکٹ پر موجود لڑکی ایک اور چھکا لگاتی ہے تو گیند اڑتی ہوئی سٹیڈیم سے باہر ایک نئے نئےتعمیر ہوئے گھر کے دروازے پر کھڑی خاتون کے قدموں میں جا کر گرتی ہے، وہ بھی مسکراتے ہوئے گیند کو واپس اسی طرف اچھال دیتی ہیں جدھر سے یہ آئی تھی۔
کمنٹری باکس سے رننگ کمنٹری کرنے والے صاحب بتاتے ہیں، "ایک ہی اوور میں چھ چھکے!"
ایڈورٹائزمنٹ میں اس ہر بال پر چھکے مارتی لڑکی کو وزیراعلیٰ مریم نواز جیسی انرجائزنگ مسکراہٹیں بکھیرتے دکھایا گیا ہے۔ اس کے بلیزر کی بیک پر انگلس زبان میں MARYAM تحریر بھی ہے، جیسے یہ وزیراعلی مریم نواز شریف ہوں۔
ایڈ کے آخری حصہ میں بتایا گیا ہے کہ مریم نواز کی حکومت پبلک کی بھلائی کے لئے کیا کچھ کر چکی ہے۔ اس ایڈ کا سلوگن ہے، "مریم نواز کی حکومت کا ایک سال,کامیابیوں کا ایک سال"
اس ایڈ کو 21 فروری کو ایک آدھ بار ہی (ٖغالباً پی ٹی وی سپورٹس سے) نشر کیا گیا، اور آج 22 فروری کو اسے دوبارہ شب ساڑھے گیارہ بجے کے لگ بھگ پی ٹی وی سپورٹس پر ہی دیکھا گیا۔ یہ فوراً ہی ڈسکس ہونے لگا ہے۔
اس انٹرسٹنگ ایڈ کو دیکھنے والے تقریباً سبھی لوگ اسے سراہ تو رہے ہیں لیکن ان میں سے کچھ یہ بھی جاننا چاہتے ہیں کہ مریم نواز کو کرکٹر گرل کے روپ میں پیش کرنے والا نیا ایڈ تو بے مثال ہے لیکن وہ اس سے پہلے بنائے جا رہے، "ماں مریم" والے امیج کا اب اس کا کیا ہو گا۔ کیا وہ بھی ساتھ ساتھ آگے بڑھے گا؟
February 02, 2026
February 02, 2026
سٹی42: قذافی سٹیڈیم میں چیمپئینز ٹرافی2025 کے چوتھے میچ میں انگلینڈ اور آسٹریلیا کے میچ مین انگلش ٹیم اس وقت بے چارگی کی تصویر بن گئی جب آسٹریلیا کو جیتنے کے لے بیس گیندوں سے دس رنز درکار تھے اور امپائر نے 47 ویں اوور میں جوفرا آرچر کی ایک ہاتھ سے پھسل گئی بال کو نو بال قرار دیتے ہوئے فری ہٹ دے دی۔
سامنے میکسویل تھے اور جوفرا کو بال کرنا تھی۔ میکس ویل سے کوئی کیا توقع کر سکتا ہے، انہوں نے وہی کیا جس کا سب کو پتہ تھا، بال کو باأنڈری پار کروا دی اور امپائر کو چھکے کا اشارہ دینے کے لئے دونوں ہاتھ اٹھانا پڑے۔ اس چھکے کے بعد آسٹریلیا کو جیتنے کے لئے انہی 20 گیندوں سے 4 رنز بنانا تھے۔
سٹی42: پاکستان کی میزبانی میں ہو رہی چیمپئینز ٹرافی کے چوتھے میچ میں قذافی سٹیڈیم لاہور مین دلچسپ مقابلہ کے بعد آسٹریلیا نے انگلینڈ کی ٹیم کو 5 وکٹوں سے ہرا دیا۔
انگلینڈ نے پہلے کھیلتے ہوئے پانچ وکٹوں کے نقصان پر 50 اوورز میں 351 رنز بنائے تھے۔چیمپئینز ٹرافی2025 کا آؤٹ سٹینڈنگ میچ؛ قذافی سٹیڈیم میں آسٹریلیا نے انگلینڈ کو شکست دے دی۔
آسٹریلین بیٹر جوش انگلیس نے 48 وین اوور کی تیسری بال پر چھکا مار کر 356 رنز کر لئے اور میچ آسٹریلیا کو جتوا دیا۔
آج میچ میں آسٹریلیا کی جانب سے سب سے زیادہ رنز انگلیس نے ہی بنائے وہ 86 گیندوں سے 120 رنز بنا کر ناٹ آؤٹ رہے۔ انگلیس کی یادگار اننگز میں 8 چوکے اور 6 چھکے شامل تھے۔
ان کے ساتھ 42 ویں اوور میں وکٹ پر آنے والے گلین میکسویل نے 15 گیندوں سے 32 رنز بنائے جن میں 2 چھکے اور 4 چوکے شامل تھے۔
میچ کے بیسٹ پلئیر جوش انگلیس ہی قرار پائے۔
February 02, 2026
February 02, 2026
سٹی42: پاکستان کی میزبانی میں چیمپئینز ٹرافی 2025 کے چوتھے میچ میں نئے قذافی سٹیڈیم میں کرکٹ کی ہسٹری کا سنسنی خیز ترین مقابلہ اپنے آخری مرحلہ میں آ گیا۔
قذافی سٹیڈیم میں ٹکٹ خرید کر میچ دیکھنے والوں کو آج دو دو سینچریاں بنتے دیکھنے کا موقع ملا۔ انگلینڈ کے بین ڈکیٹ نے 165 رنز کی اننگز کھیلی تھی، دوسری اننگز مین آسٹریلیا کے جوش انگلیس نے صبر کے ساتھ بیٹنگ کرتے ہوئے 77 گیندوں سے 104 رنز بنائے اور آسٹریلیا کو 351 رنز کے پہاڑ جیسے ٹارگٹ تک لانے میں بنیادی کردار بن گئے۔
اس وقت انگلیس 113 رنز پر کھیل رہے ہین، میکسویل 25 رنز بنا چکے ہین اور آسٹریلیا کو جیت کے لئے 20 گیندوں سے 11 رنز بنانا ہیں۔
سٹی42: قذافی سٹیڈیم میں انگلینڈ اور آسٹریلیا کی چیمپئینز ٹرافی میں بقا کے لئے جنگ کے دوران آسٹریلیا کے الیکس کیری 69 رنز پر کیچ آؤٹ ہو گئے۔الیکس کیری کو آؤٹ کرنے کی پاداش مین انگلینڈ پر میکسویل کا عذاب نازل ہو گیا۔
انگلیس برائیڈن کارس کی بال پر ایک اور باؤنڈری کھیلنے کی کوشش میں لانگ آن پر کیچ ہوئے۔ اس اوور میں کیری نے کارس کو دو چوکے مارے تھے اور ڈبل رنز بھی بنائے تھے۔ کارس اس میچ مین انگلینڈ کے سب سے زیادہ رنز کھانے والے باؤلر ہیں، انہیں اب تک کوئی وکٹ نہیں ملی تھی، کیری کی وکٹ لینے کے بعد اب ان کا ہائیر اکانومی ریٹ جسٹیفائی ہو گیا۔
کیری کے آؤٹ ہونے کے بعد گلین میکسویل کھیلنے کے لئے آئے ہیں۔
آسٹریلیا کو 46 گیندوں سے 68 رنز بنانے کی ضرورت ہے۔ اس وقت آسٹریلیا کا ٹوٹل 286 ہے۔ گلین میکسویل نے اب تک دو چوکے لگا لئے ہیں۔
February 02, 2026
February 02, 2026
سٹی42: قذافی سٹیڈیم میں انگلینڈ اور آسٹریلیا کے مابین کانٹے کے میچ میں چوتھی وکٹ گرنے کے بعد دکھائی دیا کہ آسٹریلیا اب 352 رنز کے پہاڑ پر نہیں چڑھ پائے گی لیکن جوش انگلیس اور الیکس کیری نے یہ کر دکھایا۔ دونوں کی پارٹنر شپ کی سینچری مکمل ہو گئی ہے۔
لبشگین 20 ویں اوور میںآؤٹ ہوئے تو آسٹریلیا کا مجموعہ 122 تھا۔ 22 وین اوور میں ہی میتھیوز شورٹ بھی آؤٹ ہو گئے تو اس وقت آسٹریلیا کا سکور 136 رنز تھا۔
36 ویں اوور میں کیری اور انگلیس نے پارٹنر شپ کے سو رنز مکمل کئے۔ میچ کا نتیجہ کچھ بھی ہو، اس سو رنز کی پارٹنر شپ کو آج آسٹریلیا کی اننگز کا سب سے زیادہ ریمارکیبل فیچر سمجھا جائے گا۔
سٹی42:آسٹریلیا کے جوش انگلیس نے دباؤ میں کھیلتے ہوئے 47 گیندوں سے ففٹی کر نے کے لئے ایسے خوبصورت سٹروک کھیلے کہ پیسے خرچ کر کے میچ دیکھنے کے لئے نئے قذافی سٹیڈیم آنے والوں کے پیسے پورے ہو گئے۔
پاکستان کی میزبانی مین چیمپئینز ٹرافی 2025 کے چوتھے میچ میں آج قذافی سٹیڈیم میں کرکٹ کی دنیا کی سب سے قدیم حریف ٹیمیں آصٹریلیا اور انگلینڈ میگا ایونٹ مین اپنی ا]پنی بقا کی جنگ لڑ رہی ہیں۔
انگلینڈ نے آسٹریلیا کی دعوت پر پہلے کھیلا اور 351 رنز کا پہاڑ کھڑا کر دیا۔
آسٹریلیا کی ٹیم نے چار وکتوں کے نقصان کے ساتھ 34 اوورز میں 226 رنز بنا لئے ہیں۔ ان میں جوش انگلیس کے 53 اور الیکس کیری کے 41 شامل ہیں۔
February 02, 2026
February 02, 2026
سٹی42: پاکستان کی میزبانی میں چیمپئینز ٹرافی2025 کے نئے قذافی سٹیڈیم میں ہو رہے چوتھے میچ میں انگلینڈ کے دیئے ہوئے 352 رنز کے ہیوج ٹارگٹ کو چیز کرتے ہوئے آسٹریلیا کی ٹیم نے استقلال کے ساتھ آگے بڑھنے کی نئی مثال قائم کرتے ہوئے 31 اوورز میں 200 رنز کا سنگِ میل عبور کیا اور 32 ویں اوور میں الیکس کیری نے برائیڈن کارس کو دو چوکے لگا دیئے۔
32 اوورز کے اختتام پر آسٹریلیا کا مجموعہ رنز ہے اور اس کی چار قیمتی وکٹیں کھو چکی ہیں۔
الیکس کیری 38 اور جوش انگلیس 43 رنز کے ساتھ وکٹ پر ہیں۔
آسٹریلیا کی چوتھی وکٹ 136 رنز کے مجموعے پر 23 ویں اوور میں گری تھی۔ اب کیری اور انگلیس کی پارٹنر شپ کی سینچری سے 24 رنز پیچھے ہے۔
سٹی42: قذافی سٹیڈیم میں انگلینڈ اور آسٹریلیا کے سپر تھرلنگ میچ میں 352 رنز کے ٹارگٹ تک پہنچنے کی کوشش میں آسٹریلیا کی تیسری وکٹ 20 ویں اوور میں گر گئی۔23 ویں اوور میں شورٹ بھی آؤٹ ہو گئے۔ میتھیو شورٹ لیام لوِنگ سٹون کی گیند پر انہی کے ہاتھوں کیچ آؤٹ ہوئے۔ شورٹ کا آج کا سکور 65 ہرنز ہے جو انہوں نے 66 گیندوں سے بنائے۔23 اوورز کے خاتمہ پر آسٹریلیا کا مجموعہ 140 رنز تھا۔ نئے بیتر الیکس کیری نے 25 ویں اوور میں دو چوکے لگائے۔
میرنس لبشگین 45 گیندوں سے 47 رنز بنا کر کور کر کیچ ہو گئے۔ وہ عادل رشید کی آف سائیڈ پر باہر نکلتی گیند کو لانگ آن پر سٹروک کھیلنا چاہ رہے تھے لیکن بال ان کے اندازے سے قدرے اوپر اٹھی اور بیٹ سے ٹکرا کر وکٹ کے قریب کور پر موجود جوز بٹلر نے اسے سہولت سے کیچ کر لیا۔
میرنس لبشگین نے میٹ شورٹ کے ساتھ 85 رنز کی پارٹنر شپ کی۔
لیکن اس وکْٹ کے گرنے سے آسٹریلیا کے حوصلے جو تھے وہی رہے، اگلی ہی گیند پر نئے آنے والے جوز انگلیس نے عادل رشید کو چوکا مار دیا۔
24 اوورز کے اختتام پر آسٹریلا کا مجموعی146 رنز تھا اور درکار رن ریٹ بڑھ کر 7.86 ہو گیا ۔ ویں اوور کے خاتمے پر مجموعہ 156 ہو گیا ۔
February 02, 2026
February 02, 2026
سٹی42: قذافی سٹیڈیم میں لہوریوں کو آج کرکٹ کی تاریخ کے سب سے زیادہ سنسنی خیز میچوں میں سے ایک کو براہ راست اپنی آنکھوں سے دیکھنے کا موقع مل رہا ہے۔ 15 اوورز میں آسٹریلیا نے ٹیم کا مجموعہ 103 تک پہنچا دیا جو انہیں آج درکار رن ریٹ کے بالکل متناسب ہے۔ اوپنر میٹ شوٹ 47 گیندوں سے 51 رنز بنا چکے ہیں۔ ان کی ہاف اور ٹیم کی سینچری ایک ہی اوور میں ہوئی۔
انگلینڈ اور آسٹریلیا کے مابین کانٹے کے میچ میں 352 رنز کے ٹارگٹ کو چھونے کے لئے آسٹریلین بیٹر اپنی بہترین صلاحیتیں دکھا رہے ہیں اور ہر کمزور گیند کو سٹیڈیم کی نسبتاً بڑی باؤنڈریز کے پار بھیجنے میں کامیاب ہو رہے ہیں۔
15 اوورز کے اختتام پر آسٹریلیا کا رن ریٹ قدرے کم ہو کر 6.87 رہ گیا ہے اور درکار رن ریٹ 7.11 ہو گیا ہے۔
13 اوورز کے اختتام پر آسٹریلیا کا رن ریٹ درکار رن ریٹ سے زیادہ تھا۔ برائیڈن کارس کے تیسرے اوور میں انہیں ایک چھکے کے ساتھ 7 رنز پڑے، اس سے پہلے ان کے دوسرے اوور مین جو برٹش باؤلز کا آج میچ میں 10 واں اوور تھا، تین چوکے پڑے تھے اور ایک ڈبل بنی تھی جس کے بعد آسٹریلیا کا رن ریٹ 7.60 ہو گیا تھا اور درکار رن ریٹ کم ترین ہو کر 6.90 رہ گیا تھا۔
کارس اب تک انگلینڈ کے سب سے زیادہ رنز دینے والے باؤلر جا رہے ہیں۔
سٹی 42 : چیمپئنز ٹرافی کے آج ہونے والے اہم میچ کے پیش نظر قذافی اسٹیڈیم میں سکیورٹی اور ٹریفک پلان جاری کر دیا گیا ہے انگلینڈ اور آسٹریلیا کے درمیان ہونے والے اس مقابلے کے دوران سخت حفاظتی انتظامات کیے گئے ہیں جب کہ ٹریفک کے بہاؤ کو یقینی بنانے کے لیے خصوصی اقدامات اٹھائے گئے ہیں۔
چیف ٹریفک آفیسر (سی ٹی او) لاہور کے مطابق ایک ہزار سے زائد ٹریفک پولیس اہلکار اپنی ڈیوٹی انجام دیں گے جبکہ رانگ پارکنگ کی ہرگز اجازت نہیں دی جائے گی اس مقصد کے لیے 20 فورک لفٹرز اور 4 بریک ڈاؤن گاڑیاں ہر وقت تیار رہیں گی شائقین کے لیے پارکنگ کا مکمل پلان جاری کر دیا گیا ہے جس کے تحت ڈیفنس سے آنے والے افراد فردوس مارکیٹ سے سینٹر پوائنٹ کا رخ کرتے ہوئے سی بی ڈی میں گاڑیاں پارک کریں گے۔ انہوں نے بتایا کہ فیروز پور روڈ سے آنے والے کلمہ چوک سے مڑ کر نیشنل پارک یا گورنمنٹ کالج گلبرگ میں پارکنگ کریں گے۔ اسی طرح کینٹ اور ڈیفنس کے شائقین حسین چوک یا شیرپاؤ برج سے ہوتے ہوئے مین بلیوارڈ گلبرگ پہنچ کر لبرٹی پارکنگ میں گاڑیاں کھڑی کریں گے۔
سی ٹی او لاہور نے کہا کہ مغل پورہ اور گڑھی شاہو کے رہائشی مین بلیوارڈ گلبرگ سے ہوتے ہوئے سن فورٹ ہوٹل لبرٹی پارکنگ میں گاڑیاں پارک کریں گے۔
ٹریفک حکام کے مطابق کسی بھی سڑک کو مکمل طور پر بند نہیں کیا جائے گا، اور تمام اہم شاہراہیں جیسے مال روڈ، جیل روڈ، کینال روڈ، فیروز پور روڈ اور مین بلیوارڈ گلبرگ ٹریفک کے لیے کھلی رہیں گی پنجاب پولیس نے بھی ایونٹ کے لیے سخت سکیورٹی انتظامات مکمل کر لیے ہیں۔
آئی جی پنجاب ڈاکٹر عثمان انور نے کھلاڑیوں، آفیشلز اور شائقین کو فول پروف سکیورٹی فراہم کرنے کی ہدایات جاری کرتے ہوئے ملک دشمن عناصر پر کڑی نظر رکھنے کی ہدایت دی ہے۔
سکیورٹی پلان کے مطابق 12,000 سے زائد پولیس افسران و اہلکار تعینات ہوں گے جب کہ کھلاڑیوں کی رہائش گاہ، روٹس، اسٹیڈیم اور اردگرد کی بلند عمارتوں پر اسنائپرز بھی موجود ہوں گے۔ ڈولفن فورس، ایلیٹ فورس اور پولیس ریسپانس یونٹ کے اہلکار اہم مقامات پر مسلسل گشت کریں گے جبکہ سیف سٹیز کیمروں کی مدد سے ٹیموں کے روٹس اور اسٹیڈیم کی مسلسل نگرانی کی جائے گی۔
انتظامیہ نے شہریوں سے اپیل کی ہے کہ وہ رانگ پارکنگ سے گریز کریں اور متعین کردہ پارکنگ مقامات پر ہی اپنی گاڑیاں کھڑی کریں ٹریفک اپڈیٹس کے لیے شہری "راستہ ایپ" اور ایف ایم 88.6 سے رہنمائی حاصل کر سکتے ہیں ۔
February 02, 2026
February 02, 2026
سٹی 42 : چیمپئینز ٹرافی 2025 کا چوتھا میچ انگلینڈ اور آسٹریلیا کے درمیان قدافی سٹیڈیم میں جاری ہے، شائقین کرکٹ کی ایک بہت بڑی تعداد نے قذافی سٹیڈیم میں موجود ہے اور میچ سے لطف اندوز ہورہے ہیں۔
شائقین کرکٹ میچ شروع ہونے سے کافی دیر قبل ہی سٹیڈیم کے باہر پہنچ گئے تھے، اس موقع پر ان کی خوشی قابل دید تھی، انگلینڈ اور آسٹریلیا کا میچ دیکھنے آئے شائقین اپنی اپنی پسندیدہ ٹیم کو سپورٹ کرنے کے لئے سٹیڈیم میں موجود ہیں، اور قذافی سٹیڈیم پر شائقین کرکٹ کا جو رش نظر آیا وہ ناقابل بیان ہے اور اس کے ساتھ ساتھ جس طرح سے انہوں نے لاہور کے قذافی سٹیڈیم میں اس میچ کے انعقاد پر خوشی کا اظہار کیا وہ بھی قابل تعریف ہے ایک طویل عرصہ کے بعد کراچی کے بعد اب لاہور میں میچز کا انعقاد یقینی طور پر بہت ہی زیادہ خوشی کی بات ہے کیونکہ پاکستانی شائقین کرکٹ ایک طویل عرصہ سے اس وقت کے انتظار میں تھے۔
سٹی42:پاکستان کی میزبانی میں ہو رہی چیمپئینز ٹرافی 2025 کے چوتھے میچ میں انگلینڈ کے بڑے ٹارگٹ کو چیز کرتے ہوئے آسٹریلیا کی پہلی وکٹ گرنے کے صدمے سے نہیں سنبھلے تھے کہ دوسری وکٹ بھی گر گئی۔
پہلے ٹریوس ہیڈ جوفرا آرچر کی گیند پر ان ہی کے ہاتھوں کیچ آؤٹ ہو گئے۔ اگلے ہی اوور میں کیپٹن سٹیو سمتھ بھی مارک ووڈ کی گیند پر بین ڈکیٹ کو کیچ پکڑا کر پویلین واپس چلے گئے۔پانچویں اوور میں مارک ووڈ نے کیپٹن سٹیو سمتھ کو شکار کر لیا۔ سمتھ کا ذاتی سکور 5 تھا اور تب آسٹریلیا کا مجموعہ 27 تھا۔
7 اوورز کے اختتام پر آسٹریلیا کی ٹیم 50 رنز بنا چکی ہے جو درکار رن ریٹ کے نزدیک ہی ہیں تاہم دو قیمتی وکٹوں سے آسٹریلیا بہت جلد محروم ہو چکا ہے۔
لاہور کے قذافی سٹیڈیم میں آج انگلینڈ اور آسٹریلیا کے میچ میں آسٹریلیا کے سٹیو سمتھ نے ٹاس جیت لیا تھا۔ انہوں نے بیٹنگ روایتی حریف کو دی اور کہا کہ وہ ٹارگٹ کو چیز کریں گے۔
انگلینڈ نے پہلے کھیلتے ہوئے 5 وکٹوں کے نقصان پر 351 رنز بنائے تھے۔
آسٹریلیا نے ٹریوس ہیڈ اور میٹ شوٹ اوپننگ کے لئے آئے۔
چوتھے اوور میں جب آسٹریلیا کا مجموعہ صرف 21 رنز تھا ٹریوس ہیڈ جوفرا کی گیند پر کیچ آؤٹ ہو گئے۔ ان کا انفرادی سکور 6 تھا۔
اب 7 اوورز کے اختتام پر مرنس لبزشیگگن 9 رنز اور اوپنر میٹ شوٹ30 رنز کے ساتھ وکٹ پر ہیں۔ ٹارگٹ تک پہنچنے کے لئے آسٹریلیا کو 7.10 کا رن ریٹ درکار ہے۔ اس وقت تک آسٹریلیا کا رن ریت گر کر 6.55 رہ گیا ہے جو ابتدائی 3 اوورز میں اپ ٹو دی مارک رہا تھا۔
February 02, 2026
February 02, 2026
ویب ڈیسک : چیمپئنز ٹرافی کے چوتھے میچ میں انگلینڈ نے آسٹریلیا کو 352 رنز کا ہدف دیا ہے۔
لاہور کے قذافی اسٹیڈیم میں کھیلے جا رہے میچ میں آسٹریلیا کے کپتان اسٹیو اسمتھ نے ٹاس جیت کر انگلینڈ کو بیٹنگ کی دعوت دی۔
انگلینڈ کی جانب سے بین ڈکٹ اور فل سالٹ نے اننگز کا آغاز کیا تاہم دوسرے ہی اوور میں ایلکس کیری کے شاندار کیچ نے فل سالٹ کو پویلین کی راہ دکھا دی۔ چھٹے اوور میں جیمی اسمتھ بھی 15 رنز بنا کر کیچ آؤٹ ہو گئے۔
43 رنز پر دو وکٹیں گرنے کے بعد بین ڈکٹ اور جو روٹ نے ذمہ دارانہ بیٹنگ کرتے ہوئے اپنی ٹیم کا اسکور آگے بڑھایا، ڈکٹ 83جبکہ جو روٹ 60 رنز کے ساتھ کوٹ پر موجود ہیں۔
آسٹریلیا کے کپتان اسٹیو اسمتھ کا کہنا تھا ہماری پریکٹس کے دوران رات کے وقت یہاں اوس پڑ رہی تھی اس لیے پہلے بیٹنگ کا فیصلہ کیا۔
ویب ڈیسک:چیمپئنز ٹرافی کے چوتھے میچ میں انگلینڈ کی آسٹریلیا کے خلاف بیٹنگ جاری ہے اور بلیو شرٹس نے دو وکٹوں کے نقصان پر 151 رنز بنا لیے ہیں۔
لاہور کے قذافی اسٹیڈیم میں کھیلے جا رہے میچ میں آسٹریلیا کے کپتان سٹیو اسمتھ نے ٹاس جیت کر انگلینڈ کو بیٹنگ کی دعوت دی۔
انگلینڈ کی جانب سے بین ڈکٹ اور فل سالٹ نے اننگز کا آغاز کیا تاہم دوسرے ہی اوور میں ایلکس کیری کے شاندار کیچ نے فل سالٹ کو پویلین کی راہ دکھا دی۔ چھٹے اوور میں جیمی اسمتھ بھی 15 رنز بنا کر کیچ آؤٹ ہو گئے۔
23 ویں اوور میں بین ڈکٹ 64 اور جو ئے روٹ 50 رنز پر بیٹنگ کر رہے تھے
آسٹریلیا کے کپتان سٹیو سمتھ کا کہنا تھا ہماری پریکٹس کے دوران رات کے وقت یہاں اوس پڑ رہی تھی اس لیے پہلے بیٹنگ کا فیصلہ کیا۔
انگلینڈ کے کپتان جوز بٹلر کا کہنا تھا ہم ٹاس جیت جاتے تو بیٹنگ کو ہی ترجیح دیتے، کھلاڑی پُراعتماد ہیں، ہم اس میچ کےلیے پُرجوش ہیں۔
February 02, 2026
23 Feb, 2025
23 Feb, 2025
23 Feb, 2025
23 Feb, 2025
22 Feb, 2025
22 Feb, 2025
22 Feb, 2025
22 Feb, 2025
22 Feb, 2025
22 Feb, 2025
22 Feb, 2025
22 Feb, 2025
22 Feb, 2025
22 Feb, 2025
22 Feb, 2025
22 Feb, 2025
22 Feb, 2025
22 Feb, 2025
22 Feb, 2025