ویب ڈیسک : سانحہ کرائسٹ چرچ،  نیوزی لینڈ  نے پاکستانی  اور افغان نژاد شہریوں کوکو بہادری  کا مظاہرہ کرنے پر ملک کےسب سے بڑے ایوارڈ'' نیوزی لینڈ کراس ''سے نوازا  ہے۔

کرائسٹ چرچ میں مارچ 2019 میں مسجد پر حملے میں شہید ہونے والے  پاکستانی نژادنعیم رشید اور زندہ بچ جانے والے افغان نژاد شہری عبدالعزیز کو نیوزی لینڈ کراس کے ایوارڈ سے نوازا گیا۔ وزیراعظم جیسینڈا آرٖڈرن نے کہا  کہ جن لوگوں کو یہ اعزاز دیئے گئے،ان کی خدمات کے باعث واقعے میں جانی نقصان کو بڑھنے سے بچایا گیا۔ اس واقعے میں بہادری کی مثال بننے والوں کا عزم  قابل تحسین، ان کے لئے ہمارے دلوں میں عزت اور تشکرہے۔

To honour his sacrifice while defending others during #Christchurch terrorist attacks on 15 March 2019 NZ govt has confered The New Zealand Cross, highest bravery award, on Dr. Naeem Rashid Shaheed. He was earlier awarded Nishan-e-Shujaat by #Pakistan. pic.twitter.com/dPv1A8alLb

— Pakistan High Commission New Zealand (@PakinNewZealand) December 16, 2021

 یادرہے کرائسٹ چرچ میں نماز جمعہ کے دوران نعیم رشید نے النور مسجد میں مسلح شخص کو قابو میں کرنے کی کوشش کرتے ہوئے تقریبا گرادیا تھا اور اس دوران انھیں کندھے پر گولی بھی لگی تھی۔  سانحہ میں  نعیم اور ان کے بیٹے شہید ہوگئے تھے ۔

عبدالعزیز کا حملہ آور سے سامنا لنووڈ میں ہوا تھا۔ انھوں نے  بہادری سے اس کا مقابلہ کیا  کار پارکنگ میں اس کا پیچھا کیا۔ جس سے وہ ڈر کر فرار ہوگیا تھا۔