(مانیٹرنگ ڈیسک) پاکستان عوامی مسلم لیگ کے سربراہ اور سابق وزیر داخلہ شخ رشید احمد نے کہا ہے کہ اتحادی جماعتوں پر مشتمل حکومت جتنا بھی زور لگالے، دنیا کی کوئی طاقت اس کو گھر جانے سے نہیں روک سکتی، آج بھی یہ مال بنانے اور کیس بچانے اور گھر جانے کیلئے آئے ہیں۔
سابق وزیر داخلہ نے سماجی رابطے کی ویب سائٹ ٹوئٹر پر ٹوئٹ کرتے ہوئے لکھا کہ ایک ووٹ کی اکثریت، بیساکھیوں کا سہارا اور آئی ایم ایف کی خیرات، کیسے چلے گی یہ حکومت؟ اگر عمران خان گھر میں بھی بیٹھ جائے تو یہ گیارہ اتحادی پارٹیاں ایک مہینہ بھی اکٹھی نہیں چل سکتیں۔
— Sheikh Rashid Ahmed (@ShkhRasheed) May 29, 2022
شیخ رشید نے کہا کہ گیارہ اتحادی جماعتوں پر مشتمل حکومت جتنا بھی زور لگا لے لیکن دنیا کی کوئی طاقت ان کو گھر جانے سے نہیں روک سکتی، اگلے مہینے جب لوگ نکلیں گے تو وہ کسی کے کہنے پر بھی واپس نہیں جائیں گے۔
انہوں نے کہا کہ مہنگائی کے طوفان پر حکومت عوام کے غیض و غضب سے نہیں بچ سکتی اور اب ملک وہاں پر پہنچ گیا ہے جہاں سیاسی پارٹیوں کے چلانے کا بس نہیں ہے، یہ نیب، اے این ایف اور ایف آئی اے میں اپنے افسر لگائیں گے، کیس ختم کروائیں گے اور گھر چلے جائیں گے۔