سٹی 42: ویکسی نیشن کے حصول میں حکومت کا بڑا اقدام، 30 سال سے زائد عمر کے افراد واک ان ویکسی نیشن کی سہولت حاصل کر سکیں گے۔
وفاقی وزیر اسد عمر نے سماجی رابطے کی ویب سائٹ ٹویٹر پر پیغام جاری کرتے ہوئے کہا کہ این سی او سی کے اجلاس میں فیصلہ کیا گیا ہے کہ 30 سال سے زائد عمر کے شہری بغیر رجسٹریشن ویکسین کی سہولت حاصل کر سکیں گے۔ لاہور سمیت صوبہ بھر میں 30 سال سے زائد افراد کے لئے واک ان ویکسی نیشن کا عمل کل سے شروع ہو گا۔
In the NCOC meeting today it was decided to open up walk in vaccination for 30 plus from tomorrow . So if you are 30 or older and registered please go to any vaccination centre and get vaccinated
— Asad Umar (@Asad_Umar) May 28, 2021
ضلعی انتظامیہ اور محکمہ صحت کی مؤثر حکمت عملی سے لاہور میں کورونا مثبت کیسز کی شرح 16 سے کم ہو کر 4 فیصد پر آگئی ہے۔ طبی ماہرین کا کہنا ہے کہ کمی برقرار رکھنے کیلئے احتیاط سختی سے جاری رکھنا ہوگی۔ موثرلاک ڈاؤن اور ایس او پیز پر سختی سے عملدرآمد کیسز میں کمی کی بڑی وجہ ہے۔ لاہور میں گزشتہ 24 گھنٹوں میں کورونا وائرس کے 196 نئے مریضوں کی تصدیق ہوئی ہے جبکہ 6 اموات رپورٹ ہوئی ہیں۔
ملک بھر میں24 گھنٹوں کے دوران 67 افراد کورونا سے انتقال کرگئے جبکہ 2 ہزار 482 نئے کیسز رپورٹ ہوئے ہیں۔ کورونا کے مثبت کیسز کی شرح 4.80 رہی، 24 گھنٹے کے دوران 51 ہزار 625 افراد کے کورونا ٹیسٹ کیے گئے۔ کوروناکےفعال کیسز کی مجموعی تعداد 58 ہزار 611 تک پہنچ چکی ہے۔ کوروناسےصحت یاب ہونے والےافراد کی مجموعی تعداد 8 لاکھ 34 ہزار 566 ہوگئی ہے اور اب تک کوروناکے 9 لاکھ 13 ہزار 784 کیسز رپورٹ ہوئے ہیں۔
پاکستان میں اب تک مجموعی طور پر 20 ہزار 607 اموات رپورٹ ہو چکی ہیں۔سندھ میں 4 ہزار 988 افرادکورونا کے باعث جاں بحق ہوئے جبکہ پنجاب میں 9 ہزار 925، کےپی کےمیں 4025، اسلام آبادمیں 753، بلوچستان میں 273،گلگت بلتستان میں 107 جبکہ آزاد کشمیر میں اب تک 536 افردا جاں بحق ہوچکے ہیں۔